sonin.mn
Сэтгэгдэл (17)

Москва “Shahed-136” байлдааны нисгэгчгүй дроны оронд Ираны “Sahara Thunder” компанид 104 сая орчим долларын үнэ бүхий дор хаяж 1.8 тонн алтан гулдмайг шилжүүлжээ.  

Энэ талаар Вашингтонд төвтэй C4ADS судалгааны группээс эш татан «Агентство» агентлаг мэдээлсэн байна.

Тус агентлагийн мэдээлснээр 2023 оны гуравдугаар сарын 16-ны өдрийн гараар бичсэн баримт бичигт нэг грамм нь 58.32 ам.долларын үнэ бүхий 1,788,402.2 грамм алтыг шилжүүлсэн талаар дурджээ.


Уг баримт бичигт Ираны үйлдвэрлэлийн байгууламж болон нисгэгчгүй онгоцуудыг угсардаг Татарстаны Алабуга эдийн засгийн тусгай бүсийн хооронд гарын үсэг зурсан байна. 


Түүнчлэн 2023 оны 4-р сарын 5-ны өдрийн өөр нэг гэрээнд Ираны талд зориулагдсан 2,067,795.9 грамм (хоёр тонноос дээш) алтны өөр багцын талаар дурджээ. Гэхдээ энэ хүргэлтийн дэлгэрэнгүй мэдээлэл одоогоор тодорхойгүй байна.

C4ADS-ийн шинжээчдийн тэмдэглэснээр уг алтыг ашиглах нь АНУ-ын Сангийн яамны хориг арга хэмжээний улмаас хаагдсан эсвэл хүндрэлтэй байсан ам.доллараар хийх санхүүгийн гүйлгээний хязгаарлалтыг тойрч гарах боломжийг олгосон гэж тэмдэглэжээ. Үүнээс гадна энэхүү үнэт металлын төлбөр тооцоо нь уг гүйлгээнд оролцогчдод нэрээ нууцлах боломжийг олгодог байна. 


Эх сурвалж: charter97.org


Ж.Бат