сонин mn
Хөдөлмөр эрхлэлтийн үндэсний зөвлөл 2021 оны хоёр дахь удаагийн хуралдаанаа өнөөдөр зохион байгууллаа.
Хуралдаанаар Монгол Улсын Засгийн газраас “Короновируст халдварын цар тахалтай тэмцэх, эрүүл мэндээ хамгаалж, эдийн засгаа сэргээх дунд хугацааны 10 их наядын цогц төлөвлөгөө”-нд туссан Залуучуудыг хөдөлмөрт бэлтгэх “Ажилсаг Монгол” төслийг хэлэлцлээ.
 
 
 
Уг төслийн зорилго нь залуучуудад эрүүл, идэвхтэй амьдралын хэв маяг, эх оронч үзлийг сургаж, ажил, мэргэжлийн чиг баримжаа олгох, зөвлөгөө өгөх замаар хөдөлмөрт бэлтгэж, ажилтай, орлоготой болгоход чиглэж байгаа юм.
 
 
 
Хөдөлмөр эрхлэлтийн үндэсний зөвлөлийн гишүүд төслийг хэлэлцэн, холбогдох хууль тогтоомжийн дагуу Засгийн газрын хуралдаанд хэлэлцүүлэн батлуулахыг дэмжлээ.
Залуучуудыг хөдөлмөрт бэлтгэх “Ажилсаг Монгол” төслийг хэрэгжүүлэхэд нийгмийн түншлэлийн байгууллагуудын оролцоог хангаж, залуучуудыг ажлын байраар хангах, ажлын байранд дадлагажуулах, цаашид менторшип хөтөлбөр хэрэгжүүлэхэд хамтарч ажиллахаар болов.