sonin.mn
Сэтгэгдэл (0)

Есдүгээр сарын 9-нд Өвөр Монголын Алшаа Баруун хошууны Бадайн Жаран сууринд Тэмээний судалгаа, хөгжлийн 2026 оны олон улсын бага хурал нээлтээ хийлээ. Тэмээний аж ахуйн салбарыг хөгжүүлэх шинэлэг арга замыг эрэлхийлэхээр 21 орны мэргэжилтэн, эрдэмтэн, салбарын төлөөлөгчид Алшаа нутагт цугларсан юм. Хурлын үеэр Тэмээний төрлийн амьтны судалгаа, хөгжлийн олон улсын нийгэмлэгээс Алшаа аймагт "Дэлхийн ингэний сүүний нийслэл" гэх хүндэт цолыг олгов.


Алшаа аймаг нь тэмээ маллах урт удаан жилийн түүхтэй бөгөөд одоогоор 174 мянган толгой тэмээтэй буюу энэ нь Хятадын нийт тэмээний тоо толгойн гуравны нэгийг эзэлдэг.


Мөн хос бөхт тэмээний үржүүлгийн гол бүс болон генийн нөөц хамгаалах бүс юм. Сүүлийн жилүүдэд тус бүс нутаг орчин үеийн тэмээний аж ахуйг эрчимтэй хөгжүүлж, сайн чанарын үржүүлэг, стандартын дагуух маллагаа, гүн боловсруулалт, брэнд хөгжүүлэлт, соёл аялал жуулчлалын нэгдлийг багтаасан цогц сүлжээг бий болгосноор жилийн үйлдвэрлэлийн хэмжээ нь 3 тэрбум юаниас давжээ.


Г.Бямба