sonin.mn
Сэтгэгдэл (0)
УИХ дахь МАН-ын бүлэг өнөөдөр /2022.04.17/ хуралдаж, Монгол Улсын Ерөнхийлөгчөөс УИХ-д өргөн мэдүүлсэн Улс төрийн намын тухай хуулийн шинэчилсэн найруулгын төслийг хэлэлцсэн байна.
 
Хуулийн төслийг дараах 4 онцлогтой байхаар боловсруулсан байна.
Нэгдүгээрт, Улс төрийн намуудын хариуцлагыг дээшлүүлэх чиглэлд томоохон өөрчлөлтийг оруулж байна. Төрийн үйл хэрэгт оролцож байгаа учраас улс төрийн намуудын хариуцлагыг сайжруулах зайлшгүй шаардлагатай. Тухайлбал, УИХ-ын сонгуульд хоёр дараалан оролцоогүй тохиолдолд идэвхгүй байдалд шилжүүлэх, улмаар хариуцлага тооцож, тараах зэрэг арга хэмжээ авах шаардлагатай талаар хуулийн төсөлд тусгасан, Хоёрдугаарт, Улс төрийн намууд нь улсын хэмжээнд үйл ажиллагаа явуулах ёстой , Гуравдугаарт , Улс төрийн намуудын санхүүжилтийг ил тод, нээлттэй болгох, тайлангаа гаргаж, аудитын байгууллагаар дүгнүүлдэг тогтолцоог бий болгох талаар хуульд тусгасан, Дөрөвдүгээрт, Улс төрийн намыг бүртгэх, үйл ажиллагаанд нь хяналт тавих чиг үүргийг СЕХ-нд хариуцуулж байна.
 
Хуулийн төслийг бүлгийн хуралдаанаар хэлэлцээд, хэлэлцэх эсэхийг дэмжих нь зүйтэй гэж үзлээ. 
 
"Инфляци, бараа бүтээгдэхүүний үнийн өсөлт хэт их болж байна. Энэ талаар танайх ямар бодитой ажил хийх гэж байна вэ?"
 
гэсэн сэтгүүлчийн асуултанд Д.Тогтохсүрэн: " Тийм, энэ асуудлаар бид Эдийн Засгийн Хөгжлийн Сайд Ч.Хүрэлбаатарын илтгэлийг сонссон.Цалин, тэтгэвэр тэтгэмжийг нэмэгдүүлэх, бараа бүтээгдэхүүний үнийн өсөлтийн асуудлаар ажлын хэсэг гараад ажиллаж байгаа. Зарим төрлийн бараа бүтээгдэхүүний үнэ буурах бүрэн боломжтой. " хэмээн хариулав.
 
М.Чой