3-р сарын 11-ны өдөр Хятадын төв радио телевизээс зохион байгуулсан "Хятадын хавар: Хятадын боломжийг дэлхий нийтээрээ хуваалцах нь" хэмээх дэлхийн яриа хэлэлцээний Этиоп дэх тусгай арга хэмжээ Аддис-Абеба хотод боллоо. ХКН-ын Төв хорооны суртал ухуулгын хэлтсийн дэд сайд, Хятадын төв радио телевизийн захирал Шэнь Хайшион видео илтгэл тавив.

Тус арга хэмжээнд Этиопын Төлөвлөлт хөгжлийн төрийн сайд Бирук Фесехасон, Хятадаас Этиоп улсад суугаа Элчин сайд Чэнь Хай, Этиопын Бодлого судлалын хүрээлэнгийн захирал Фикаду Зерга, Этиопын өргөн нэвтрүүлгийн корпорацийн дэд захирал Сайна Хайли зэрэг 70 орчим зочид оролцож, Хятад улсын шинжлэх ухаан, технологийн шинэчлэл болон нээлттэй хамтын ажиллагаа нь Африкийн орнуудын тогтвортой хөгжилд "шинэ түлхэц" авчирсан талаар солилцоо, хэлэлцээ өрнүүлсэн байна.

Шэнь Хайшюн хэлэхдээ, 3-р сарын Бээжинд жил бүр болдог Хятадын хоёр чуулган товлосон ёсоороо болж, шинэ эрин дэх Хятад улсын эрч хүчийг дэлхий дахинд уламжиллаа. Системийн чанартай нээлттэй байдлаа тогтвортой өргөжүүлж, олон улсын хамтын ажиллагааны орон зайг тасралтгүй өргөжүүлэх шаардлагатай байгаа талаар дарга Ши Жиньпин онцолжээ. Хятадын нээлттэй том хаалга улам бүр нээгдэх болно. Хятадын төв радио телевизээс (CGTN) дэлхийн хэмжээнд явуулсан санал асуулгад харуулснаар, санал асуулгад оролцогчдын 90 гаруй хувь нь Хятадын эдийн засаг болон шинжлэх ухаан технологийн хүчирхэг байдлыг сайшааж, Хятадын "том зах зээл" дэлхий дахинд "том боломж" авчирахыг хүсэн хүлээж буйгаа илэрхийлсэн байна. Энэ нь дэлхийн үзэгчдийн өргөн хүрээний нийтлэг ойлголт төдийгүй нэн ч шинийг эрэлхийлэгч Хятад улсын тод тайлбар юм. DeepSeek бий болж, "роботын янге" бүжиг CCTV-ийн могой жилийн Хаврын баярын гала тоглолтонд оролцож, "Не Жа 2" кино дэлхий даяар хит болжээ, "кино урлагаар дамжин Хятадаар аялах нь" гэдэг ажиллагаа хилийн чанад дахь жуулчдын дунд "Хятадын халуурал"-ыг бий болгож, бас олон газрын соёлын аялал жуулчлалын шинэ давалгаа өрнөсөн байна... "Хятадын итгэлтэй байдал" дэлхийн хөгжилд илүү тогтвортой, илүү тодорхой хүчин зүйлийг сэлбэсэн байна гэжээ.