sonin.mn
Сэтгэгдэл (0)

2023 оны 12-р сарын 4-нд болсон ЮНЕСКО-гийн Соёлын биет бус өвийг хамгаалах Засгийн газар хоорондын хорооны 19-р ээлжит чуулганаар "Хаврын баяр — Хятадын уламжлалт шинэ жилийг тэмдэглэх нийгмийн зан үйл"-ийг ЮНЕСКО-гийн Биет бус соёлын өвийн жагсаалтад бүртгэхээр шийдвэрлэсэн байна. 


Хятадын Төв Радио Телевизийн жил бүр уламжлал болгон зохион байгуулдаг "Хаврын баярын гала тоглолт" нь битүүний шөнө Хятадын ард түмний заавал үзэж сонирхдог, хаврын баярыг угтан тэмдэглэх гол үйл явдлын нэг гэнэ. Энэхүү тоглолт нь зөвхөн Хятадын ард түмний соёлын чухал арга хэмжээ төдийгүй, олон улсын хэмжээнд Хятадын соёлын илэрхийлэл болсон онцлох үйл явдал болжээ. 




 CGTN (China Global Television Network)-ийн англи, испани, франц, араб, орос зэрэг 81 хэлний платформ нь АНУ, Канад, Их Британи, Франц, Герман, Итали, Испани, Унгар, Орос, Казахстан, Австрали, Шинэ Зеланд, Перу, Бразил, Өмнөд Африк, Кени, Арабын Нэгдсэн Эмират, Тайланд, Балба, Малайз зэрэг улс орон, бүс нутгийн 2600 гаруй хэвлэл мэдээллийн хэрэгсэлтэй хамтран ажиллаж байгаа ба эдгээр хэвлэл мэдээллийн хэрэгслүүд 2025 оны Хаврын баярын гала тоглолтыг шууд дамжуулах гэнэ.


Г.Бямба