Пүрэв - 11 сарын 28,
2024
БЭЭЖИН, 2024 оны арваннэгдүгээр сарын 28 /SCMP/. Хятадын инженерүүд далайн хамгийн гүн цэг болох Номхон далайн баруун хэсэгт орших Марианы хонхорын Челленжерийн ангалд шилэн кабель татах хүчин чадалтай машин зохион бүтээжээ.
Энэхүү ангалын гүн нь далайн түвшнээс доош 10 898 м-ээс 11 034 м-ийн хооронд хэлбэлздэг.
Усан доор кабель тавих зориулалттай “Haiwei GD11000” машиныг Далянийн далайн их сургуулийн мэргэжилтнүүд Хятадын машин угсралт, шинжлэх ухаан-технологийн компаниудын инженерүүдтэй хамтран бүтээжээ. Уг машины ачаалал 15 тонноос давдаг бөгөөд нэг минутад 120 м хүртэлх хурдтайгаар кабель татдаг ажээ.
“Haiwei GD11000” машинаар Өмнөд Хятадын тэнгист 4 км гаруйн гүнд хоёр удаа кабель татах ажиллагаа явуулснаар Италийн “Prysmian” компанийн амжилтыг эвдэж, дэлхийн шинэ дээд амжилтыг тогтоосон байна. Италийн компанийн машин 2150 м-ийн гүнд кабель тавьж байжээ.
Д.Жаргал
Эх сурвалж: "Монцамэ" агентлаг
Сэтгэгдэл1
швед финлянд германы хоорондох кабелийг тасалсан гээд ярьдаг тэр бүү хэл оросын мөр байна гэдэг тэгснээ хятадын усан онгоц тэнд явж байсан гэж харддаг марианы хонхороос дэлхийн төв рүү ус нэвчиж байна уу үгүй юу гэдэг сонин цоорвол халуун хайлмагийн уур дэлхийг дэлбэлэн газар зад тусч цацран халуун хайлмагт уусан орно