sonin.mn
Сэтгэгдэл (69)

Зөвлөлт Украинд цэргийн дээд сургуульд суралцан төгсгөж зэвсэгт хүчиндээ зүтгэж явсан олон арван офицерын нэгийн хувьд дайн байлдаан, давшилт хориглолтын талаар энгийн иргэдийг бодвол гадарлана. Тэр мэдлэг туршлагаараа өнөөгийн Орос-Украины энэ дайныг харж, оперативын цагийн байдлыг үнэлдэг. Фронтын мэдээнүүдээс үзвэл Оросын зэвсэгт хүчин стратеги–оперативын нөөцөө бараад голдуу тактикийн нөөцөө дайчлан байлдаж байна. Покровскийн байлдаан үүнийг илтгэнэ. Харин энэ удаа АНУ-д аж төрдөг багын найз Э.Отгонтэнгэрийнхээ америкийн хэвлэлээс хөрвүүлж буулгасныг нэмэлтгүйгээр оруулъя.

 

Орос яагаад ч энэ дайнд ялахгүйгээр барахгүй өөрөө оршин тогтнохоо болих өдрүүд айсуй хэмээн америкийн зарим хэвлэл сайтад бичих боллоо. Түүнээс түүвэрлэж аваад 7 шалтгааныг нь жагсаая. Үүнд:

 

1.Хүн амын өсөлт caaрав


  • Оросын хүн ам хөгширч, амьдралын хүнд нөхцөлөөс шалтгаалан төрөлт багасав.
  • Украинтай хийж буй дайнд олон мянган залуус амиа алдав.
  • Оюунлаг, боловсролтой олон мянган иргэн дүрвэж, улсаасаа гарч байна.
  • Иргэдгүйгээр хөгжил байхгүй; хөгжилгүйгээр иргэд байхгүй болно.

 

2.Эдийн засгийн доройтол


  • Гадаадын хөрөнгө оруулалтгүйгээр аливаа улс хөгжихөд хэцүү. Харин Орос улс дэлхийн эдийн засгаас тусгаарлагдаж байна.
  • Путины засаглалын үед байгалийн эрдэст минeралийн орлого шавхагдаж эхлэв.
  • Санхүүгийн боломж хязгаарлагдаж, Хятад улс туслах магадлал бага, учир нь тэд Оросын нурж унахыг л чимээгүйхэн хүлээж байна.
  • Мөнгөгүйгээр Орос улс өөрийгөө тэжээж чадахгүй.


3.Технологийн хомсдол


  • Орос улс технологийн хувьд хоцрогдсон. Үйлдвэрлэлийн хуучирсан арга барил, мөн гадны технологид л найдаж ирсэн нь харагдлаа.
  • Эдийн засгийн хорио цээр болон геополитикийн тусгаарлалт нь Барууны технологид нэвтрэх боломжийг бүрэн хаасан. Одоо зөвхөн уруудна.
  • Хятадын технологи гэдэг нь Барууны технологид тулгуурладаг тул Орост хуваалцах магадлал бага. Бас хоригт орохоос болгоомжилно.

 

4.Олон улсын тусгаарлалт


  • Орос улс олон улсын дүрэм журмыг зөрчигч улсын тоонд орж, холбоотнууд болон хамтрагчдаа алдаж байна. Цаашдаа бүр ч алдана.
  • Дэлхийн II дайны дараа Герман, Япон шиг улсууд өөрсдийн эдийн засгийн болон технологийн хүчин чадлаар дахин босч чадсан. Гэвч Оросын хувьд энэ нь боломжгүй, учир нь тэд коммунист сэтгэлгээнээсээ болж илүү их саад тотгортой учирдаг.
  • Оросын зах зээл хэт жижиг, ядуу тул олон улсын хамтын ажиллагаанд сонирхол татахгүй.

 

5.Боловсролын хоцрогдол


  • Оросын боловсролын систем хоцрогдсон, коммунист үзэл баримтлалтай нь нягт холбоотой.
  • Оросын их, дээд сургуулиуд дэлхийн шилдэг их, дээд сургуулиудын тоонд ордоггүй, шилдэг багш нар нь Баруун руу дүрвэдэг.
  • Боловсролтой, инновацлаг хүн ам нь улсын хөгжлийн үндэс болдог боловч одоогийн Оросын эрх баригчид үүнийг ойлгодоггүй.

 

6.Шинжлэх ухааны доройтол


  • Орос улс шинжлэх ухааны орчин үеийн судалгаа хийхэд шаардлагатай их, дээд сургууль, судалгааны төвүүд болон санхүүгийн дэмжлэггүй байна.
  • Шинжлэх ухааны томхон нээлт болон нэрт эрдэмтэд Орост байхгүй. Ломоносов гэх мэт хуурамч эрдэмтдийн тухай ойлголт нь төрийн суртал ухуулга байж ирсэн.

 

7.Байгалийн эрдэст минералийн хомсдол


  • Орос нь байгалийн эрдэст минeралиас ихээхэн хамааралтай байж ирсэн. Гэвч одоо бол технологи, санхүүжилтгүйгээр цаашид олборлох боломжгүй.
  • Эдийн засагт байгалийн эрдэс–түүхий эдийн үүрэг багасаж, улс орнууд сэргээгдэх эрчим хүчний эх үүсвэр рүү шилжиж байна. Энэ нь Орост хөгжөөгүй.

 

Дүгнэлт. Орос улс хүн амын бууралт, эдийн засгийн тусгаарлалт, технологийн хоцрогдол, олон улсын тусгаарлалт, боловсролын хоцрогдол, шинжлэх ухааны доройтол, байгалийн эрдэст минералийн хомсдол гэх мэт олон асуудалтай тулгарч байна. Эдгээр хүчин зүйлс нь Орос улс одоогийн хэлбэрээрээ оршин тогтнох боломжгүй гэдгийг харуулж байна. Монгол Улс уруудаж буй хөршөөсөө хамааралгүй, дэлхийн хамтын нийгэмлэгтэй нягт уялдаатай ажиллаж, хөгжил дэвшилд хүрэх замыг сонгох хэрэгтэй гэжээ. АНУ-д олон жил амьдарсан найзынхаа жиргээнд бичсэнийг өөрийнх нь зөвшөөрлөөр ийнхүү авч нийтэллээ. Юу харагдаж байна вэ гэвэл Халхын голын дайны 85 жилийн ой, Путины айлчлал, Оросын цэргийн дуу бүжгийн чуулгын тоглолт зэрэг нь ёслолын чанартай түр зуурын арга хэмжээ болохоос Орос Украиныг ялсан ялалтын баяр огтоос биш гэдгийг эрүүл ухаантай монгол хүн бүр ойлгосон. Оросын үзэл суртлын тархи угаалтад төөрч будилж яваа монголчууд олон биш ч Путин ялахыг хүлээсэн бүтэшгүй цөхрөлөөсөө яаралтай салах хэрэгтэй гэж зөвлөе. Украин, Зеленский, АНУ, НАТО-г мянгантаа харааж муулж зүхээд тэд сэтгэлийн таашаал авдаг биз, цаашаа бодитой юу ч байхгүй.  



Адьяaгийн Батсайхан (бэлтгэл хошууч)