![sonin.mn](/storage/news_images/1720507591450395056_888618916641149_435558638064541570_n.jpg)
Өнөөдөр /2024.07.09/-ний өдрийн 12:08 цагт Сонгинохайрхан дүүргийн 20 дугаар хорооны нутаг дэвсгэрт байрлах тогтоол усанд хүн осолдсон гэх дуудлага мэдээлэл бүртгэгджээ. Дуудлага мэдээллийн дагуу Аврах ангийн бүрэлдэхүүнийг очиход 17 настай эрэгтэй усанд сэлэх гэж байгаад осолдож нас барсан байсныг гаргаж холбогдох байгууллагад хүлээлгэн өгчээ. Сүүлийн өдрүүдэд голын эрэг дагуу иргэдийн зорчих хөдөлгөөн нэмэгдэж байна.
Иймд:
- Гол, мөрөн нуурын ойролцоо амарч зугаалахдаа сонор, сэрэмжтэй байх,
- Гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнийгээ бүртгэдэг байх,
- Хүүхдийг гол горхи, нуур, цөөрмийн дэргэд тоглуулахгүй байх, хараа хяналт тавих
- Согтууруулах ундаа хэрэглэсэн үедээ гол усанд орохгүй байх
- Булчин, шөрмөс татсан үед гол усанд орохоос татгалзах
- Түргэн урсгалтай гүнзгий голын усанд сэлэхээс зайлсхийх
- Зориулалтын бус хийлдэг гудас, завьтай голд орохгүй байх
- Баталгаат зам гүүрээр зорчих
- Голын эрэг дагуу байрласан сануулга, самбаруудыг анхаарч аюулгүй байдлаа хангахыг нийслэлийн Онцгой байдлын газраас анхааруулж байна
Сэтгэгдэл2
Эхлээд усанд сайн сэлж сурчихаад дараа нь гол руу ормоор юм.
МОНГОЛЧУУД УСАНД ОРОХ НААЛ ЗАХЫН МЭДЛЭГГҮЙ. УГААСАА ГЕН Д БАЙХГҮЙ. ЗҮГЭЭР Л ЦУСАНД НЬ АЙДАС БАЙДӨГ. БҮХ НИЙТЭЭР НЬ АМРАХ УСАН ПАРК ЮМНУУД БАЙГУУЛЖ ӨГӨӨЧ.