Лхагва - 07 сарын 03,
2024
Хятадын Шэньжэнээс Жүншань хүрэх тэнгис дамнасан авто замын цогцолбор өчигдөр зургадугаар сарын 30-нд албан ёсоор ашиглалтад орлоо. БНХАУ-ын дарга Ши Жиньпин баярын илгээлт илгээж, уг бүтээн байгуулалтад оролцсон бүх хүмүүст халуун баяр хүргэсэн байна.
Ши Жиньпин: " Шэньжэнь-Жүншаний авто замын цогцолбор нь Хонконг-Жухай-Макаогийн гүүрний дараа Гуандүн-Хонконг-Макаогийн их булангийн бүсэд баригдсан бас нэгэн супер том зам тээврийн төсөл юм. Энэ нь дэлхийн хэмжээний техникийн олон бэрхшээлийг даван туулж, олон рекордыг тогтоосон" гэжээ.
Шэньжэнь-Жүншань чиглэлийн авто замын цогцолборын нийт урт нь 24 км. Уг төсөл 2017 оны 2-р сараас баригдаж эхэлсэн бөгөөд нийт 7 жилийн хугацаа зарцуулж ашиглалтад оруулж буй ажээ. "Гүүр, арал, туннель, усан доорх холболт"-ыг нэгтгэсэн дэлхийн анхны тэнгис дамнасан уг цогцолбор ашиглалтад орсны дараа Шэньжэнь-Жүншань хүрэх хугацааг 2 цаг байсныг 30 минут болгон богиносгох гэнэ.
Г.Бямба
Сэтгэгдэл8
Хөгжил бол зуурдын жаргал
Бидний хоцрогдол бол мөнхийн зовлон.
Зөв бич дээ. Хятад далайгүй, зөвхөн тэнгистэй улс шүү
Great bay area гэдэг нэртэй төсөл. тэр хавийг тасархай болгож байна даа...
Ажилсаг хөдөлмөрч хятадын ард түмэнд баяр хүргэж улам их амжилт хүсэн ерөөе
Энэ ажил Дарханы замын дэргэд хүүхдийн тоглоом байх даа
Манай 2008 оноос 2 тэрбум орчим доллар заран тэгш талд барьж байгаа орос стандартын,англи технологитой 270 км Гашуун сухайтын төмөр зам ч бас агуу бүтээн байгуулалт шүү.
Усан доогуур, уул нүхэлэж тэнгис далай гаталсан энэ бүтээн байгуулалт бол манай дарханны замтай жишихэд юү ч биш, нярай хүүхдийн тоглоом.