sonin.mn
Сэтгэгдэл (0)

Монгол болон Энэхэтгийн Батлан хамгаалах яамд хоорондын 14 дэх удаагийн Зөвлөлдөх уулзалтыг манай улсад зохион байгууллаа.




Уулзалтаар талууд бүс нутгийн аюулгүй байдлын талаар баримталж буй бодлого, батлан хамгаалах салбарын үйл ажиллагааны талаар харилцан мэдээлэл солилцож, хоёр орны хамтын ажиллагааны өнөөгийн түвшинг ярилцаж, цаашдын чиглэлийг тодорхойлж, зарим асуудлуудаар харилцан зөвшилцөлд хүрсэн байна.



Хоёр орны цэргийн хамтын ажиллагааг өргөжүүлэх чиглэлээр тэр дундаа цэргийн эмнэлгийн чиглэлээр хамтран ажиллах боломжийг судлан үзэх мөн Монгол Улсын батлан хамгаалах салбарын кибер аюулгүй байдлын чадавхыг бэхжүүлэх, хамгаалалтын бэлэн байдлыг дээшлүүлэх чиглэлээр хамтран ажиллахаар харилцан тохиролцжээ.



Энэ удаагийн Зөвлөлдөх уулзалт хоёр орны цэргийн итгэлцлийг бэхжүүлэх, харилцан ойлголцлыг бэхжүүлэх, хамтын ажиллагааны үр өгөөжийг нэмэгдүүлэхэд дэмжлэг болсон, тодорхой тохиролцоонд хүрсэн ач холбогдолтой болсонд хоёр тал санал нэгдэв.