sonin.mn
Сэтгэгдэл (16)

Бид Оросын ТВ-ийн олон сувгийг өдөр шөнөгүй үздэг. Украины дайны тухай хэлэлцүүлэг бүхий хэд хэдэн ток-шоу явдаг. Тэнд нэг уриулагч нь Сергей Марков гэдэг энэ эрдэмтэн байдаг ба түүний шинэхэн бичсэн зүйлийг хөрвүүлэн буулгая. Кремлийн суртал нэвтрүүлэгч, оросын Z эх оронч гэж Украинд хэлэгддэг энэ хүн “2 года СВО Z. Итоги для Украины” гэсэн гарчгаар Telegram сувгаар байр сууриа бичгээр илэрхийлжээ. 


Оросын ТВ байнга үздэг мань мэтийн хувьд хоёр жил байлдлаа үр дүн нь аль вэ гэсэн асуултыг ганц Марков биш, хоёр жилийн турш ТВ-ийн эфирт үзэгдсэн оросын эрдэмтэд, сэтгүүлчид, цэргийн аналистууд зэрэг зэрэг тавих боллоо. Үр дүн байна, гэхдээ чамлалттай, дэндүү их хохиролтой гэсэн санааг нийтээрээ илэрхийлдэг боллоо.


Сергей Марков нь Оросын суртал нэвтрүүлгийн элдэв дэмийрлийг давтсан, Украиныг дайснаараа тодруулж хараан зүхсэнээс гадна оросынхоо армийг гутаасан гэдэг ялаар шийтгэгдэхээр зүйл бичжээ. “Энэ дайныг хийснээр бид хөрш Укрианыг дэлхийн маш хүчирхэг армитай болголоо. Ард түмэн нь эрх баригчдаа тойрч улам нэгдлээ. Тэндхийн Оросыг дэмжигчид гэж байхгүй, устгагдсан, хэлмэгдээд алга болсон. Дэлхий нийтийг энэ дайн Оросын эсрэг хандууллаа” гэхчлэн жишээ нь Москвад цуглаан дээр сөрөг хүчний хэн нэгэн хүн яривал шууд л умард туйлын хатуу колони руу ачигдана. Харин Марков одоогоор эсэн мэнд, аюул осолгүй ярьсаар хараасаар яваа. Нэг удаа ам халаад ТВ-ээр “Ингэхийг нь мэдсэн бол Путин СВО-г эхлүүлээгүй нь дээр байсан юм” хэмээн ярьсан зураг нь энэ байна.



Украины ард түмэн бат цул болж ОХУ-ыг үзэн ядаж, Оросын ертөнцөд тун таагүй хандаж байна. Дэд бүтэц, юуны өмнө эрчим хүч нь тогтвортой ажиллаж байна, хохирол бага амслаа. Оросын эсрэг барууныхан маш хүчтэйгэр нэгдэж нягтарлаа. Энэ дайнаа бид царцааж чадах болов уу даа? Харин ч Барууныхан Оросын ялагдалд улам бүр итгэлтэй болж байна.


Мөргөлдөөн эцэс төгсгөлгүй үргэлжлэхэд Баруун бэлэн байна гээд 16 үндэслэлээр Ерөнхийлөгч В.Путины өдөөсөн дайныг дүрслэн дүгнэжээ. 


1. Дэлхий дээр хүчирхэг арми гарч ирлээ. Цөмийн зэвсэггүй ч гэсэн дэлхийд 5-рт орохоор арми. Орос, АНУ, Хятад, Энэтхэгийн дараа Украины арми бичигдэнэ. Орос цэрэг- фашист офицер- америкийн генерал-америкийн зэвсэг хосложээ.

2. Хагас сая хүн алагдаж, тахир дутуу боллоо (хэн гэдэг нь алга-орчуулагч).

3. Украины төрт улс цохилтыг тэслээ, бүр цэцэглэн мандаж байна.

4. Оросын талыг баримтлах сэтгэхүй тэнд устсан. Хүн ам нь эрх баригчдаа тойрч нэгдэн нягтарсан.

5. Тус орны тэргүүн Зеленский дэлхийн улс төрийн од болж тодорлоо. 

6. Тус улс төсөөлж ч байгаагүй их зэр зэвсэг авч байна. Дэлхийн 50 улс эв санааны нэгдэлтэйгээр дэмжиж байгаа учраас эдийн засгийн хувьд тус улс агуулгаа хадгалсаар байна.

7. Нутаг дэвсгэрийнхээ 20%-ийг бүхэлдээ алдчихаад байна. 

8. Фронт бүтэн жил гаруй хугацаанд тогтвортой байна. 

9. Украины зэвсэгт хүчний давшилт бүтэлгүйтсэн учраас Оросын армийг дийлнэ гэсэн итгэл нь алга болсон. 

10. Украин асар их хохирол амссан, хэтийн ирээдүй байхгүй болсон тул хүн ам нь байлдахыг хүсэхгүй байна. Сайн дурынхан алга, хатуу аргаар хүчээр дайчилгаа явагдаж байна.

11. Зеленский улс төрийн эрх мэдлээ бэхжүүллээ. Ерөнхийлөгчийн сонгуулийг цуцлуулж, Украины зэвсэгт хүчний командлагчийг халснаа АНУ-аар шийдүүлж чадлаа.

12. Барууны зүгээс дэмжүүлэх нь хямралтай тулгарлаа. 

13. 2024 онд Оросын арми амжилттай давшина гэсэн айдас тэнд бодитой боллоо.

14. Украины дэд бүтэц, юуны өмнө эрчим хүч тогтвортой байна, бага хохирол амсав. Энэ нь Украины хүн амын ихэнхи нь боломжит амьдралын түвшингээ хадгалахад нь боломж олгоно.

15. Дүрвэгсэд 10 сая хүрлээ. Тэдний тал нь эсвэл 4-ний нэг нь Украиндаа хэзээ ч эргэж ирэхгүй. Орос руу ч, Европын Холбоо руу ч дүрвэсэн нь сайн нөхцөлд байна. 

16. Украинд тоглоомын, америкийн тал баримталсан, эрх зүйн хувьд хууль бус, ардчиллын эсрэг, хэлмэгдүүлэгч, үзэл суртлын хувьд неофашист, гол зорилго нь русофоби болчихсон, арга барилын хувьд террорист тэмцлийн аргатай, үр дүнд нь орчин үеийн, маш уян хатан, бас амжилттай яваа Оросын эсрэг Украин гарч ирлээ гэжээ.


                 орчуулсан Адьяaгийн Батсайхан (бэлтгэл хошууч)