Баасан - 07 сарын 31,
2026
ВАШИНГТОН, 2026 оны долоодугаар сарын 31 /RIA Novosti/. АНУ-ын Ерөнхийлөгч Дональд Трамп ХАМАС бүлэглэлийн зэвсгийг хураах тохиролцоонд хүрсэн гэж мэдэгджээ. "Өнөөдөр Энх тайвны зөвлөл ХАМАС болон Газын зурвас дахь бусад бүх зэвсэгт бүлэглэлийн зэвсгийг хураах түүхэн тохиролцоонд хүрлээ. Энэ бол бат бөх энх тайвныг тогтоох, аюулгүй байдлыг хангахад чиглэсэн асар том алхам юм" гэж тэрбээр пүрэв гарагт өөрийн нийгмийн сүлжээнд бичээд тохиролцоог үе шаттайгаар хэрэгжүүлнэ гэдгийг дурдсан байна.
"Al Jazeera" сувгаар мэдээлснээр, ХАМАС бүлэглэл Газын зурвас дахь хүнд зэвсгийг хураалгаж, цэргийн байгууламжууд болон зэвсгийн агуулахуудыг чөлөөлж эхлэхийг зөвшөөрчээ.
Төлөвлөгөөг хэрэгжүүлэх хуваарийг 14 хоногийн дотор танилцуулахаар төлөвлөж байгаа ажээ. Хяналтын комиссын шийдвэрээр энэ хугацааг сунгаж магадгүй байна. Замын зураглалд мөн зэвсэгт бүлэглэлүүд зэвсгээ хураалгахтай зэрэгцэн Израилын цэргүүдийг хяналтад нь байгаа Газын зурвасын бүс нутгуудаас үе шаттайгаар гаргахаар тусгажээ.
Нийтэлсэн заалтуудаас харахад уг баримт бичигт одоогоор бүх зэвсгийг гуравдагч талд шууд хүлээлгэн өгөхөөр тусгаагүй бөгөөд харин зэвсгийг бүртгэх, хадгалах, хянах механизмыг тогтоосон байна.
2025 оны 10 дугаар сарын 9-нд Египет, Катар, АНУ болон Турк улсын зуучлалтайгаар Израил, ХАМАС бүлэглэл Д.Трампын танилцуулсан энх тайвны төлөвлөгөөний эхний үе шатыг хэрэгжүүлэхээр тохиролцсон юм. Үүний дараа Газад гал зогсоох дэглэм хэрэгжиж эхэлсэн бөгөөд Израилын цэргүүд хэлэлцэн тохиролцсоны дагуу "шар бүс" гэгдэх шугам руу ухарч, Газын зурвасын газар нутгийн 50 гаруй хувийг хяналтдаа үлдээжээ.
Д.Жаргал
Эх сурвалж: "Монцамэ" агентлаг
Сэтгэгдэл2
Ха ха ха, Трампын ээлжит шоу!
Өнөөдөр Оросууд баллистик пуужингаа ашиглан Украйны Днепр мужийн Кривой Рогийн ойролцоох Радушне хотод энгийн нэгэн айлын энгийн байшинг устгасан. Энэ нь Вороновын гэр бүл байсан: ээж Олена, аав Артем, долоон хүүхэд - Марк, Доминика, Захарий, Азарий Илай, Федерика, Эмилия, Виорика - мөн ой ханастай ач хүү Артем, одоо Украиныг хамгаалж байгаа тэдний том хүүгийн хүүхэд. Одоогийн байдлаар эцэг эх, гурван хүүхэд - Марк, Азарий Илай, Эмилия нар нас барсан нь батлагдсан. Оросын пуужин маш хүчтэй цохилт өгсөн тул байшингаас бараг юу ч үлдээгүй... Нуранги дороос хүний цогцосны хэлтэрхий олдсон бөгөөд зөвхөн шүүх эмнэлгийн шинжилгээгээр тэд гэр бүлийн аль гишүүнд харьяалагддагийг тогтоож чадна. Захарий, Доминика, Виорика, Федерика, Артем нарын хувь заяаг одоо хүртэл тогтоож байна... Энэ бол Оросын Украины эсрэг хийсэн дайны аймшигт гэмт хэрэг - энгийн хүмүүсийн эсрэг, энгийн амьдралын эсрэг.