sonin.mn
Сэтгэгдэл (31)

Би танихгүй ч гэлээ Facebook дотор хэд хэдэн нөхөр цөхөршгүй Путинд горьддог гэж бичээд бөөн сенсаац дэгдээсэн дээ, саяхан. Намайг хараан зүхэж эх орноос минь хөөж, ална тална, үхвэл таарна гэсэн мөртлөө цаашаа Share хийгээд байсныг бодохлоор сум яг байгаа оносон, ояа, тролл гэгчдийн зүрх тархинд яг оносон болж таарах нээ гэж би хувьдаа урамшиж байгаа. Үнэнээ л хэлье. Намайг хурцалсанд дахин баярлалаа. Путин Европыг гартаа атгаж байх гол зэвсэг нь одоо хэнд ч хэрэггүй болоод таг зогссон. Хятад ч тэр хийг нь хамгийн доод үнээр тоож авахгүй дээрээ тулж байна. Зураг нь энэ.


Путинд хайртайчууд гэхээ азнаад Монгол-Зөвлөлтийн найрамдалд хайртайчууд гэчих үү, эсвэл социализм-коммунизм эргэж байгуулагдана гэдэгт сүсэглэгчид, итгэгчид, цөхөртлөө горьдогсод гэх үү, энэ хэдийг? Olzvoi Gankhuu, Ganaa Good, Ц.Буянцогтоо, Gantulga Chuluun Hutagt, Аюуш Батсайхан, Alzakhgui Vandan гээд, дээр нь мартсан байна лээ украинчуудын цусанд шунасан Ч.Пүрэвсүрэнг нэмчихье. Саяхан Киев рүү путинчууд пуужиндаж баахан хүн алсныг Ц.Буянцогтоо, Ч.Пүрэвсүрэн хоёр уухайлан дэвэргэж баярлаж бахдан пост оруулсан байв уу, би буруу хараагүй байгаа? Тодруулаарай. Тэр хоёрын пост л харагдах шиг болсон. Орос ахсаг нөхдийн толгойд суугаа хамгийн өндөр настан болох Сайд асныг дахиж нэрлэхгүй. Н.Энхбаярын Засгийн газарт Гадаад хэргийн сайд хийгээд сууж байсан гэхлээр эргэлзээ төрөөд байдаг юм. Путин ялахгүй бол Та нар бүгд боож үхэх үү гээд дахиад нэг ам асуучихъя. Гэмгүй украинчууд эх орондоо, бүр больё гэр орондоо оросын пуужин, сум, дронд өртөөд цусаа урсгаж үхэж байгаа нь Та нарт сайхан санагдаад байна уу гээд нэмээд асуучихъя.


Бас нэг тэнэглэл ояа, оркуудад байнаа. Том тэнэглэл. Киевийн нацистууд 15 мянган орос хэлтнийг аймаглан устгасан, Одесст ҮЭ-ийн ордон дотор түгжиж байгаад шатаасан гэж. Оросын ФСБ (Холбооны аюулгүйн алба буюу хуучны КГБ) оролцож өдөөсөн гэмт үйлдэл гэдэг нь батлагдсан л даа, аль алин нь. Тэр 15 мянга гэдэг махан тоог оросууд хэргээр 2014 оноос хойш улиг болтол тарааж байгаад СВО эхэлсний дараахнаас больчихсон. Яагаад гэдгийг Та нар мэдэх үү? Цэргийн шинжээчид, олон улсын экспертүүд тэгээгүй гээд нотлочихсон, оросууд өөрсдөө ичээд сурталдахаа больчихсон. Донбасс буюу Донецк, Луганскад Оросын ФСБ, цэргийн тагнуул, “Русский мир” оролцон байж Украины эсрэг дэгдээсэн дайнд нь Украины талаас алагдсан 5000 цэрэг офицер, Донбассын орос хэлт украинчуудаас Оросын ил дэмжлэг-хөлсөөр сайн дураараа байлдаад алагдсан 5000, дайны хөлд үрэгдсэн 2000, хэн нь үл мэдэгдэх 2000 (ОХУ-аас татаж аваачсан хөлсний цэрэг?) гэсэн тоо 2022 оны зун гэхэд нийтэд ил болсон. Тэр 1000-ыг манай ояа, оркууд хаанаас олоод нэмчихснийг бол би мэдэхгүй. 


Энэ хэдэн постероос Путины нүцгэн үнэнийг цаад далд зорилготой нь олоод харчих! Орос баавгайн архилалт ч төгсгөл рүүгээ ойртсон байхаа даа, аан? 


Дээхнийн зураг. С.Шойгу БХЯ-ны сайд байжээ. Цусаар гагнагдсан ахан дүүсийн найрамдал, ах дүү хоёр арми! Зөвлөлт Холбоот Улс-БНАСАУ-ын хооронд, Солонгосын дайны үед ч ийм найрамдал байгаагүй юм даа. Путин л XXI зуунд бүтээчихлээ! Америкийн империалистуудтай байлдаад биш шүү! Хойд Солонгос шиг ардын армиа Орост туслуулахаар илгээчихэж чадахгүй хэмээн Монголын төр рүү дайрч давшлан гомдоллосон нэг нөхөр дээр нэрсийн эхэнд байсан шүү, саяхан бас нэг тийм пост явж байв уу?


Ийм л байна! 


Тодын Отгонбаяр (зураач) Лондон хот 2026-7-29