sonin.mn
Сэтгэгдэл (2)

УИХ-ын гишүүн Г.Лувсанжамц сэтгүүлчдийн асуултад хариулсныг сийрүүлэн хүргэж байна.


Таны хувьд кабинетыг яаж бүрдүүлэх вэ гэж бодож байна вэ?


Би цомхон Засгийн газар бүрдүүлэх нь зүйтэй гэж бодож байна. Сайд, дэд сайд, Төрийн нарийн бичгийн дарга гэх мэт өмнө албан тушаал хашиж байсан, ажлаа шуурхай явуулах чадвартай хүмүүсийг ажиллуулж, ажил ихлүүлэх нь чухал гэж үзэж байна.


Цомхон гэдэг нь дэд сайд байхгүй гэсэн үг үү?


Би дэд сайдыг дэмждэг. Харин яамдын тоог цөөлөх хэрэгтэй гэж бодож байна.


Хот байгуулалтын яаманд таныг сайдаар томилно гэх мэдээлэл байна. Энэ талаар таны санал юу вэ?


Одоогоор надад ямар ч санал ирээгүй байна. Гэхдээ цомхон Засгийн газар бүрдүүлж, ажлээ эхлүүлэх нь чухал гэж бодож байна.


Яамдыг ямар байдлаар цөөлөх нь зөв гэж харж байна вэ?


Жишээ нь: Эрчим хүчний яам, Зам тээврийн яам, Цахим хөгжлийн болон Харилцаа холбооны яам, Барилга, Хот байгуулалтын яам зэрэг яамдыг нэгтгэж Дэд бүтцийн хөгжлийн яам болгох нь зүйтэй гэж бодож байна. Олон улсын жишгийг харахад ийм арга зөв байдаг.


Мөн Хөдөө аж ахуйн яам, Уул уурхай, Байгаль орчны яамыг нэгтгэн Байгалийн нөөцийн яам болгох нь зүгээр гэж бодож байна. Эдгээр яам өөрсдийн цогц төлөвлөгөө хэрэгжүүлж ажиллах ёстой.


Цахим хөгжлийн яамны цахим хэсгийг Засгийн газрын хэрэг эрхлэх газар руу шилжүүлбэл илүү үр дүнтэй болно гэж харж байна.


Жишээ нь, сум, дүүрэг, нийслэл, аймаг бүгд өөр өөрийн вэб сайтуудтай байна. EMongolia төслийг Н.Учрал даргын гардан хийсэн ажил илүү. Одоо орон нутгийн түвшинд хэрэгжүүлж, цахим хөгжлийн бодлого Засгийн газрын хэрэг эрхлэх газарт төвлөрөх юм бол орон нутгийн хөгжлийн бодлого Засгийн газар дээр илүү уялдаа холбоотой явах болов уу гэсэн хувь хүний байр суурьтай байна.



Н.Отгончимэг