sonin.mn
Сэтгэгдэл (5)

“Шандас ММА тулааны клуб”-ын холимог тулааны мэргэжлийн тамирчин, Дэлхийн аварга Баатархүүгийн Энх-Оргил Монгол Улсын Гавьяат Тамирчин цолоор шагнагдлаа.


Тэрээр сэтгэгдлээ: "Ийм үед аавыгаа л их санадаг юм байна. Аав минь байсан бол надаар их бахархах байсан байх даа." хэмээн хуваалцсан бол түүний ээж Ж.Алтанцэцэг: "Багд нь шинэ жилээр 31-ний орой гэр бүлээрээ Ховдын талбай дээр авахуулсан зургаа тавьсан байна. Миний хүүгийн спортоор анх хичээллэж байсан үеийнх нь зураг байна лээ.


Миний хүү чинь 3, 4 дүгээр ангиасаа эхлээд л таеквондогоор хичээллэж, спортоор тууштай явсан даа. Тэгээд өдийг хүртэл 25–26 жил спортоор тасралтгүй хичээллэлээ.


Бэлтгэлээ өглөө, орой огт таслахгүй хийдэг. Ер нь тууштай хөдөлмөрийн үр дүн ингэж гарлаа гэж бодож байна аа, ээж нь. Монголын ард түмэндээ миний хүүг дэмждэгт үнэхээр их баярлалаа. Ард түмэндээ чин сэтгэлээсээ талархаж байна. Хүүдээ спорт, урлагийн өндөрөөс өндөр амжилт хүсэн ерөөе. Аз жаргал, сайн сайхан бүхний дээдийг хүсэн ерөөе." гэсэн юм.



Н.Отгончимэг