Монгол улсын баатар, ЗХУ-ын баатар, бэлтгэл хошууч генерал Ж.Гүррагчаа:
-Би Зэвсэгт хүчинд байлдагчаас генерал хүртлээ 40 гаруй жил алба хаасан. Энэ бүхий л хугацаандаа бүр тодруулбал, 1968 онд Ардын Армид байлдагч болж цэргийн тангараг өргөсөн тэр өдрөөс хойш “Улаан од”-ын уншигч болж. Одоо ч гэсэн цэргийн тухай мэдээ мэдээлэлд чих тавьж, сонирхдог хэвээрээ. Ер нь “Улаан од” сонин үе үеийн олон эрсийг хүмүүжүүлэх, төлөвшүүлэхэд, хэвлэл мэдээллийн салбарын хөгжилд өөрийн хувь нэмрээ оруулсан гэж ойлгодог. Миний мэдэхэд “Улаан од” маш хүчтэй сонин байсан. Өөрийн гэсэн хэвлэх үйлдвэр, техник хэрэгсэлтэй, олон сайн сурвалжлагчтай сонин хүчтэй байхаас ч аргагүй байх. “Улаан од”-ынхон 1981 онд сансрын хамтарсан нислэгтэй холбоотой олон сайхан нийтлэлийг уншигч түмэнд хүргэсэн. Хамтарсан нислэгээс ч өмнө хүргэж байсан. Мөн ч их уншууртай хөрөг, өгүүлэмжтэй зураг гарсан сан. “Улаан од”-ын тухай бодоход л сонин уншиж байгаа ахмад цолтой гялалзсан бор залуу насны минь төрх санаанд хамгийн түрүүнд буудаг. Тэр зургандаа хайртай.
Хоёрдугаарт, “Улаан од” өөрөө тэр чигээрээ түүхийн баримт юм. 1939 оны Халхын голын байлдаан, 1945 оны Чөлөөлөх дайн болон баруун хилд болсон тулгаралтуудын үйл явдлын мөрөөр олон нийтлэл бичиж, ард түмэндээ ялалтын мэдээг хүргэж байсан түүхэн гавьяатай. Түүх юм даа. Мэдээж эх орноо батлан хамгаалах үйл хэрэгт гавьяа байгуулсан баатарлаг хөвгүүдийг алдаршуулах, өргөмжлөх ажлыг ч чамгүй гүйцэтгэсэн байх. Нөгөө талдаа зөвхөн хэвлэл мэдээллийн хэрэгсэл байгаад зогсохгүй хүүхэд багачуудыг цэрэг-эх оронч үзэл, хүмүүжлээр төлөвшүүлэхэд үнэтэй хувь нэмэр оруулсан бөгөөд үүнд хурандаа Ж.Ядмаа, А.Баярмагнай, Б.Чантуу нар онцгой үүрэгтэй. Тэд цэрэг армийн үйл ажиллагааг ард иргэдэд сурталчилж, цэрэг-эх оронч үзэл, хүмүүжлээр залуу үеэ төлөвшүүлэхэд ихээхэн чармайлт гаргаж ажилласныг нь уншигчийн хувьд мэдэрсэн л дээ. “Улаан од” сонинд гарсан нийтлэл бүр үнэн байдаг байлаа.
Гуравдугаарт, дан ганц цэргийн сонин байгаагүй. Тэтгэвэр, чөлөөндөө гарсан ахмадууд, цэрэг армиа дэмждэг хүн бүхэн захиалж уншдаг байсан. Харин “Соёмбо” сонин Зэвсэгт хүчний анги, байгууллагуудаасаа хэтрэхгүй байна уу даа гэж хардаг. Хөрөнгө мөнгө, хэвлэх үйлдвэр, өөр бусад шалтгаан байдаг л байх. Үүнд энэ редакцад ажиллаж байгаа хүмүүсийн буруу байхгүй. Өнөөдөр нийгэм мэдээллээр цадчихсан, зөвхөн сенсаци гарвал ихэд сонирхож байна. Цэргийн сонин сенсаци хөөдөггүй, олон дугаар борлуулна гэсэн зорилт тавьдаггүй учраас иргэд захиалж уншаад байх сонирхол бага байдаг биз. Гэхдээ нэг анхаарах асуудал нь “Соёмбо” сонин ард иргэдэд хүрэхгүй байх тусмаа цэрэг-эх оронч үзэл, хүмүүжил олгох хүрээ багасах эрсдэл байхыг үгүйсгэхгүй. Ер нь нэг хэсэг цэрэг-эх оронч хүмүүжлийн талаар хэн ч яриагүй. Сайшаалтай нь сүүлийн үед ярьж, дуугардаг болсон байна. Угтаа Улсыг батлан хамгаалахад туслах нийгэмлэг нь цэрэг-техникийн спортыг хөгжүүлэх, цэргийн албанд мэргэжлийн хүмүүсийг бэлтгэж өгөх, хүүхэд, залуусыг цэрэг-эх оронч үзэл, хүмүүжлээр төлөвшүүлэхэд чухал үүрэгтэй байгууллага. Хуучин аймаг бүрт салбар нэгжтэй, цэргийн штабуудтай хамтран хүлээсэн үүргийнхээ хүрээнд иргэдийн дунд олон талт арга хэмжээг зохион явуулдаг байсан. Харамсалтай нь сүүлийн үед энэ нийгэмлэгийн дуу хоолой сонсогдохоо больж. Нийгэмлэг хаана байна, ямар үүрэгтэй ажиллаж байна, хуучин бий болгосон дэд бүтцийг яаж ашиглаж байна вэ гэдгийг та бид мэдэхгүй юм. Хэрэв миний энэ санааг БХЯ, ЗХЖШ-ын удирдлагууд анхаарч унших аваас нийгэмлэгт онцгой анхаарал хандуулж, цаашдын хувь заяаг нь зөв талаас нь шийдээсэй гэж хүсэх байна.
Дэслэгч Д.Болор
Эх сурвалж: "Соёмбо" сонин
Сэтгэгдэл0
Улаанод сонин Цэрэг дэглэлийн эсрэг тэмцсэн түүхийг ярьж өгөөрэй даргаа.Цэрэг эрийг хөлийн хуруугүй болгосон даргыг таны сонин шүүмжилсэн үү?
Аравдан гуай Цэргийн дэг оны ялгаа гэдэг бол 1969-1989 орчим он хүртэл байсан маш гайхамшигтай зүйл. Тэсвэр хатуужлийн их сургуульЖинхэнэ эр хүн болно. Оны ялгаа байхгүй учир цэргүүд хэврэг зодуургүй учир ялцгай болсон. Усан боронд намрын хяруунд өвлийн цасан дээр нүцгэн зогсоод сурчихсан цэргийн хөл хөлддөггүй юм За
ihes deedes comnistudiin bugs doloson hargis aluurchid l baisan shvvde.elbegdorj darganariin ugzug dolooj nyaluuran yaaj alban tushaal ahih hulgaich shunal byalduuch tachaaldaa hutlugdsun hvzvvndee zangia bvselsen tarvagan tahal l baisan .... gandi shulam bas bie vnelsen yanhan baisan
eneegiin helgyi bazaanyyd boli,boli!!!!ta nar sig tenegyyd baisangyi ee!!!chag yedee 'ylaan od'chereg bidnii ynsih dyrtai soningiin neg byyr onchgoilon heleh yum bol choriin ganch sonin bailaa!!eneegiin ta nar sig helgyi daadaanyyd baisangyi ee!!!ter yed minii bye 17 nastai eedreg yzeld dyrtai hegjiltei bazaan yablaa!eneeder 69 tei ebgen boloh geed yabj bna!arai boloogyi bna!byy ataarh?....
Улаан од сонин уншууштай мэдээлэл сайтай сонин. Манай улсын ууган сонинуудын нэг шүү. Цэргийн алба бол эр хүний заавал давж гарах нэр хүндтэй алба даа. Жинхэнэ Эр хүн болдог алба юм шүү. Олон эрчүүд нэг дор амьдардаг учир сайн муу олон юм болдог. Энэ хатуу хүтүүг даван туулах шаардлагатай болдог юм даа. би 83 оны цэрэг. Дэглэлт байсаан байсан. Оны ялгаа нутгархах үзэл байсан