sonin.mn
Сэтгэгдэл (9)

Дөрөвдүгээр сарын 24-нд ТАСС агентлаг Оросын Аюулгүйн зөвлөлийн нарийн бичгийн дарга Сергей Шойгутай хийсэн тусгай ярилцлагыг нийтэлжээ. Ярилцлагын үеэр Шойгу хэлэхдээ, хэрвээ АНУ цөмийн туршилтаа дахин эхлүүлбэл Орос адил хэмжээний хариу арга хэмжээ авч магадгүй гэсэн байна.


Цөмийн туршилтын талаарх Оросын байр суурь АНУ-ын энэ салбарын үйл ажиллагаанаас шууд шалтгаална гэж Шойгу онцлоод, одоогоор АНУ-ын зарим цөмийн зэвсгийн хадгалах хугацаа дуусах дөхөж, шинэ хэлбэрийн зэвсгийн судалгааны ажил эрчимтэй явагдаж байна.


Эдгээр хүчин зүйл нь Вашингтоныг цөмийн туршилтаа дахин эхлүүлэхэд хүргэж болзошгүй юм. Ийм тохиолдолд Орос улс адил хэмжээний хариу арга хэмжээ авч болзошгүй юм гэжээ.

Шойгу мөн онцлон тэмдэглэхдээ, Оросын Батлан ​​хамгаалах яам болон Атомын эрчим хүчний үндэсний корпорацийн холбогдох бэлтгэл ажил нэгэнт хангагдсан. Сүүлийн жилүүдэд Орос улс орчин үеийн стратегийн зэвсгийн цуврал системийг боловсруулан суурилуулж, Оросын армийн хүчин чадлыг эрс нэмэгдүүлсэн. Өнөөгийн нөхцөл байдалд, Орос улс цөмийн туршилт хийх тулгамдсан шаардлагатай гэж үзэхгүй байна гэсэн байна.



Г.Бямба