Пүрэв - 10 сарын 22,
2026
Үндсэн хуулийн цэцийн Их суудлын хуралдаанаар Засгийн газрыг огцруулсан УИХ-ын тогтоол болон тогтоолыг баталсан чуулганы хуралдаан, хурлыг удирдсан УИХ-ын дэд дарга Х.Булгантуяагийн үйл ажиллагааг Үндсэн хууль зөрчсөн гэж хэдийн дүгнэсэн билээ. Үүнээс хойш тэрээр УИХ-ын дэд даргаас огцорсон ч өөр ямар нэгэн хариуцлага хүлээгээгүй байгаа.
Мөн Монгол Улсын Ерөнхий сайд, МАН-ын дарга Н.Учрал түүнийг МАН-ын гишүүнээс хасах ёстой хэмээн мэдэгдсэн. Эцсийн шийдвэрийг МАН-ын Хяналтын ерөнхий хороо гаргах учиртай.
Тэгвэл эх сурвалжуудын өгүүлж буйгаар Х.Булгантуяа улс төрөөс бүрмөсөн гарна гэдгээ мэдэгдсэн аж. Өөрөөр хэлбэл, дахиж УИХ-д нэр дэвшихгүй, төрийн болоод намын ямар ч ажил цаашид хийхгүй гэсэн үг. МАН-ын гишүүнчлэлээс ч өөрийнхөө хүсэлтээр гарах нь.
Энэ нь Х.Булгантуяа өөрөө өөртөө ёс зүйн хариуцлага тооцож буй явдал бололтой.
1992 онд шинэ ардчилсан Үндсэн хууль батлагдсанаас хойш Үндсэн хууль зөрчсөн төрийн өндөр албан тушаалтан тун цөөн гарч байв.
Ц.Нямдорж зэрэг цөөн хүн Үндсэн хууль зөрчсөн болохыг Үндсэн хуулийн цэц тогтоож байсан ба Х.Булгантуяагийн хувьд Үндсэн хууль зөрчсөн сэдэл нь өөрөө маш увайгүй юм.
Учир нь Засгийн газрыг огцруулах асуудал бол улс төрийн ердийн нэг шийдвэр биш. Энэ нь төрийн эрх мэдлийн хуваарилалт, парламентын засаглалын тогтвортой байдал, Үндсэн хуулиар тогтоосон эрх мэдлийн харилцан хяналт, тэнцвэртэй шууд холбоотой асуудал юм. Тиймээс Засгийн газрыг огцруулахтай холбоотой аливаа шийдвэрийг Үндсэн хууль, хууль тогтоомжид нийцүүлэн гаргах нь УИХ-ын удирдлагын үндсэн үүрэг билээ.
Х.Булгантуяа нь Засгийн газрыг Үндсэн хууль зөрчин огцруулж, төрийн эрхийг хууль бусаар авахыг завдсанаараа Монголын түүхэнд гутамшиг болж үлдэх нь тодорхой билээ.
С.Сарнай
.jpg)
Сэтгэгдэл4
төрд бүх талаар бэлтгэгдсэн, өндөр боловсролтой, даруу төлөв, нэр цэвэр ийм хүн улс төрөөс явж болохгүй, хурал удирдсан тухайд Тамгын газраас бэлтгэсэн сценарийн дагуу л болсон үйлдэл
үүний улс төр гэж юу байхав хэрүүл тэмцэлээс шахалтаар гарч байгаа юм байна хэрүүл тэмцэлээ бас улс төр гээд нэрлэчихсэн байгаа юмаа ац боолууд сүртэй шүү.
Буриадуудыг дэмждэг Хүрэлсүхэд түлхүүлээд явж болохгүй. Шоронд хийж үнэн царайгаа харуултал нь байх хэрэгтэй. Ер нь хэрэг хийсэн хэн ч Ардчилалд заавал шийтгэл хүлээдэг. Шийтгэхгүй байгаа нь Хүрэлсүхийн буриад засаг гүтгэж хэлмэгдүүлсэн өөрсдийгөө хамгаалж байгаа байдал нь
Хятадын тагнуул завхай мэнгэт мэтийн хог шаарнууд монголыг бүрэн сүйрүүлсэн. Мэнгэт хулгайч яагаад Чимгээ, Содномдаржаа нарт хайр зарлаад байгааг, яагаад Зоригийн хэргийн ажлын хэсгийг байнга татан буулгаж хэрэг илрүүлэлтийг замхруулдгийг маш сайн шалгах ёстой. Яагаад Эрдэнэтээс УИХ-д нэр дэвшив, хэнээс хэдэн ам.доллар авч Зоригийн хэргийг бусниулах гэж захиалгаар ажиллав гэдгийг Тагнуулынхан сайн шалгах хэрэгтэй.