sonin.mn
Сэтгэгдэл (66)

БНХАУ-ын Гадаад Харилцааны Яамны хэвлэлийн төлөөлөгч Мао Нин мэдээлэл хийв.


Энэ үеэрээ: "3-р сарын 19-нд АНУ-ын Конгрессын Төлөөлөгчдийн танхимын "Хятадын асуудлаарх тусгай хороо"-ны дарга Морена Америкийн зургаан их сургуулийн захиралд захидал илгээж, дөрөвдүгээр сарын 1-нээс өмнө тус сургуульд суралцаж буй хятад оюутнуудын талаар дэлгэрэнгүй мэдээлэл өгөхийг шаардсан бөгөөд Хятад улс судлаачдыг Америкийн шилдэг байгууллагуудад суралцуулж, тэдэнд давхар хэрэглээний технологид шууд ойртох боломжийг олгож байна. Хэрэв хичээхгүй юм бол холбогдох чиг хандлага нь Америкийн чадварлаг хүмүүсийг шахаж, АНУ-ын судалгааны итгэл үнэмшлийг алдагдуулж, АНУ-ын ашиг тусыг хохироож, Хятадыг технологийн өндөр түвшинд хүргэж мэднэ гэжээ. Энэ талаар Хятад улс хэрхэн үзэж байна вэ?" гэсэн сэтгүүлчийн асуултад Мао Нин хариулахдаа: "Америкт суралцаж буй хятад оюутнуудын тоо нь олон улсын нийт оюутнуудын дөрөвний нэг орчим хувийг эзэлдэг. Боловсролын салбарын хамтын ажиллагаа нь хоёр орны оюутнуудын харилцааны сувгийг өргөжүүлж, улмаар хоёр ард түмэн хоорондын ойлголцлыг нэмэгдүүлээд зогсохгүй АНУ-ын эдийн засгийн хөгжил цэцэглэлт, технологийн хөгжилд тус дөхөм үзүүлж байгаа нь хоёр талын ашиг сонирхолд нийцэж байгаа явдал юм. Үндэсний аюулгүй байдал гэх хүрээг хэт өргөжүүлэхээ больж, хятад оюутнуудын хууль ёсны эрх ашгийг хамгаалж, хятад оюутнуудыг ялгаварлан гадуурхах, хязгаарлах арга хэмжээ авахгүй байхыг АНУ-аас шаардаж байна." гэсэн байна.


Г.Бямба