Бямба - 12 сарын 21,
2024
10-р сарын 10-нд Хятадын ГХЯ-ны хэвлэлийн төлөөлөгч Мао Нин хэвлэлийн бага хурал хийжээ. Энэ үеэрээ: "Саяхан АНУ-ын Төрийн нарийн бичгийн даргын орлогч Кэмпбелл Карнегийн Энх тайвны сангийн онлайн семинарын үеэр хэлсэн "Америк уналтад орсон гэж Хятад улс үзэж байна , "хүч чадлаа харуулж, АНУ-ыг дэлхийн тавцангаас зайлуулах" хүслээ Хятад улс улам бүр харуулж байна. Өмнө нь АНУ болон бусад улс орнууд дэлхий даяар "үйлдлийн систем" байгуулахад хамгийн их ашиг хүртэж байсан улс нь Хятад байсан, харин одоо Хятад улс энэхүү "үйлдлийн систем"-ийн үндсэн цөмийг өөрчлөхийг хүсч байна. Америк, Хятадын харилцаа олон талаараа "өрсөлдөөнөөр удирдуулсан" шинэ шатанд орлоо гэсэн. Үүнд Хятад улс ямар тайлбар өгч байна вэ?" гэсэн сэтгүүлчийн асуултад
Мао Нин: "Америкийн албаны хүмүүсийн хэлсэн үг нь хүйтэн дайны үеийн үзэл санаа болон Америкийн ноёрхогч үзлээр дүүрэн байна. Хятадын эсрэг өөр нэг худал мэдээ зохиож байгаа нь маш ойлгомжтой, гол зорилго нь "Хятадын заналхийлэл" гэсэн цуурхал тарааж, томоохон гүрнүүдийн өрсөлдөөнийг өдөөх явдал юм.
Үнэн хэрэгтээ Хятадыг хязгаарлаж, дарамт шахалт үзүүлэхийн тулд шалтаг хайж буй л хэрэг. Хятадын хөгжлийн зорилт бол 1.4 тэрбум гаруй ард иргэдээ илүү сайн сайхан амьдруулах явдал юм.
Бидэнд хэн нэгэнтэй өрсөлдөх, хэн нэгнийг орлох, хэн нэгэнтэй сөргөлдөх зорилго байхгүй. Хятад Улс АНУ-ын хөгжил дэвшлийг хараад баяртай байна. АНУ-ын холбогдох хүмүүс "Хятад Улс АНУ-ыг уналтад орсон гэж үзэж байна" хэмээн нэг бус удаа хөөрөгдөж байгаа нь өөртөө итгэлгүй байгаагийн шинж юм. Америк ялагдана гэж Хятад улс бооцоо тавихгүй, Америк ч Хятад улс ялагдана гэж бооцоо тавихыг хүсэх хэрэггүй юм, Хятадын ард түмэн үндэсний их сэргэн мандалтаа биелүүлэх нь гарцаагүй. Хятад улс энх тайван, хөгжлийн замаар замнахыг тууштай баримталж, НҮБ-аар төв болгосон олон улсын тогтолцоо болон олон улсын харилцааны үндсэн хэм хэмжээг хамгаалахыг хичээж байна. Харин ч АНУ хүйтэн дайны хуучин мөрөөдөлдөө автаж, ганц туйлт ноёрхолдоо автаж байна, олон улсын дүрмүүд өөртэй нь нийцэж байвал ашиглаж, нийцэхгүй бол орхин хаяж, "жижиг тойрог" бүрдүүлж, лагерийн сөргөлдөөн явуулж байгаа учир тэд бол өөрсдөө олон улсын эмх дэглэмийг самууруулж буй хамгийн том эх үүсвэр юм" гэжээ.
Г.Бямба
Сэтгэгдэл9
Хятадуудаа бүү хуц. Өрсөлдөөн ширүүн хүчтэй явагдана.
Хятад 2 нүүртэй. хятад мөнгө л олж бвал цусаар олсон ч хамаагүй
Хятад улс чанаргүй хямд бараа бүтээгдэхүүн үйлдвэрлэдгээрээ алдартай. Хятад улс олон сая чанаргүй цахилгаан машинуудаа зарах гээд байх шиг байна. Хятадын хогийн машиныг авах хэрэггүй.
өнөөдөр орон нутгийн сонгууль болж байна. та бүхэн идэвхитэй оролцохгүй бол намын багц систем ажиллаад МАН ахиад маш амархан ялна. СХД жишээ нь 16,600-22,000 санал авч байж ялна. (би хувьдаа 15,800 авах юм байна гэсэн тооцоо гаргаад нэрээ татсан). та бүхэн саналаа идэвхитэй өгвөл мянга мөнгө тараагаад нэмэргүй. мөнгө тарааж, угжиж буй хүн таны жинхэнэ дайсан юм. таныг ядуу байлгах сонирхолтой л нэгэн. нийслэл, дүүрэг, аймаг суманд нэг нам ноёрхоод байхаар бүх шатандаа КАСТЫН СИСТЕМ-д орчихоод байна. тиймээс л та бүхнийг идэвхитэй оролцоосой гэж хүсч байна
Америкийн бүтээсэн санхүүгийн нийгмээс хамгийн их ашиг хүртсэн нь Хятад шүү дээ
Америк барууны мөнгө санхүүгийн системийг еврей нар удирддаг.
Ийм утгагүй юм бичдэг хүмүүс болиочээ. Улс орноо хамгийн муухайгаар харуулдаг хүмүүс бол ийм юм бичдэг хүмүүс та нар. Ухаантай юм бичиж чадахгүй бол амаа хамхиад сууж бай л даа
байгалийн баялаггүй хятад ууд орсоос монголд тавих байгалийн хийн шугамыг тавиулахгүй гэж монголчуудыг нүүрсний утхаагаар утаж үхүлэхийг хүсч байна
Манай улсын үйлдвэрүүдийг зориуд дампууруулах гэж хайр найргүй хятадын барааг маш хямдаар оруулсан хятад бодлогоор монголд 1990 оноос 1999 он дуустал олон монголчууд хохирч амь насаа алдсан. Хятад монголыг өрсөлдөөн гэж хатуу тоглоом байдаг гэж сануулж байсан тэртээ 1990 оныг мартаагүй. Хятад өрсөлдөөн ширүүн явагдахаас айгаад америкт үг хэлж байгаа нь шог хэрэг.