Баасан - 03 сарын 28,
2025
ТЕХРАН, 2024 оны долоодугаар сарын 17 /IRNA/. АНУ-ын ерөнхийлөгчийн сонгуульд нэр дэвшигч Дональд Трампын амь насанд халдах оролдлогод Иран улс оролцсон гэх барууны хэвлэл мэдээллийн хэрэгслүүдийн мэдээллийг НҮБ-д суугаа Ираны байнгын төлөөлөгч няцаажээ.
“Трамп бол генерал Касем Сулейманигийн амийг хөнөөх захиалга өгсөн хэргээр шүүхээр шийтгэгдэх ёстой гэмт хэрэгтэн мөн боловч энэ мэдээлэл бол үндэслэлгүй, буруу таамаг” гэж Ираны байнгын төлөөлөгч мэдэгдсэн байна.
АНУ-ын тусгай албад Д.Трампын аминд халдах Ираны төлөвлөгөөний талаар мэдээлэл авч, Ерөнхийлөгч асны хамгаалалтыг чангатгасан байсан гэж СNN суваг албаны эх сурвалжийг эш татан мягмар гарагт мэдээлсэн байна. Гэхдээ Трампын аминд халдахыг завдсан Томас Мэтью Крукс нь Ираны төлөвлөгөөтэй холбоотой гэсэн ямар нэг сэжүүрийг илрүүлж чадаагүй байгаа аж.
Өнгөрсөн бямба гарагт Пенсильвани муж улсад болсон сонгуулийн кампанит ажлын үеэр Д.Трампын амь насанд халдахыг завдсан билээ.
Цагаан ордны тэргүүн асан чихэндээ буудуулж шархадаж, нэг хүн амиа алдаж, хоёр хүн шархадсан байна. Халдлага үйлдэгчийг Холбооны мөрдөх товчооны мэргэн буучид буудаж, аюулгүй болгожээ. Халдлагын дараа АНУ-ын нууц алба сонгуулийн кампанит ажил дуустал Д.Трампын хамгаалалтыг чангатгасан байна.
Д.Жаргал
Эх сурвалж: "Монцамэ" агентлаг
Сэтгэгдэл6
Трамп америкын ерөнхийлөгчөөр дахин сонгогдоход “”””хувь””” дутнаа,,,,
буудсан нөхрийн байсан дээвэр дор аюулаас хамгаалах тусгай хүчний снайперууд байрлаж байсан гээ биз дээ,орос,хойт солонгост тохох зориг нь хүрэлгүй,цөмийн зэвсэггүй ираныг золигт гаргаж шуугианыг дарах гэж оролдоод шившиг болж байгаам бна даа???
Зөнөг Байдены ажил биз. Зөнөсөн хүний толгсйд юу ч бодогдож болно.
Сөрөг хүчний ардчилсан намын захиалгаар Трампыг хөнөөх оролдлого бүтэлтгүйтэж, ардчилсан намынхан уснаас хуурай гарахын тулд иран улсыг буруутгаж байна.
Ацны нууц алба баидаг юм хүн буудуулж байхад хамгаалж чадахгүй хүний амь хамаагүй юмуу
украйны тусгай албаны ажил байх .трамп сонгогдвол украйнд санхүүгийн дэмжлэг үзүүлэхгүй гэсэншд