Лхагва - 10 сарын 23,
2024
ВАШИНГТОН, 2024 оны долоодугаар сарын 11 /Kyodo/. Японы Ерөнхий сайд Кишида, Фүмио, Өмнөд Солонгосын Ерөнхийлөгч Юн Сог Ёль нар Вашингтонд хоёр талын хэлэлцээ хийх үеэрээ НАТО-той хамтын ажиллагаагаа гүнзгийрүүлэхээр тохиролцлоо.
Хоёр улсын удирдагчид мөн Энэтхэг Номхон далайн бүс нутгийн түншүүдтэйгээ хамтын ажиллагаагаа гүнзгийрүүлэхээр тохиролцсон байна. Түүнчлэн БНАСАУ-тай холбоотой асуудлаар АНУ-тай гурван талт хэлбэрээр хамтын ажиллагаагаа үргэлжлүүлэхээр болжээ.
1949 онд Умард Атлантын гэрээнд гарын үсэг зурсны 75 жилийн ойд зориулсан дээд хэмжээний уулзалт 7 дугаар сарын 9-нөөс 11-ний өдрүүдэд Вашингтонд болж байна. Японы Ерөнхий сайд К.Фүмио гурав дахь удаагаа НАТО-гийн дээд хэмжээний уулзалтад оролцож байна. Япон улс бол НАТО-гийн байнгын түншийн статустай бөгөөд Брюссель дэх эвслийн төв байранд Японы төлөөлөгчийн газар ажилладаг.
Д.Жаргал
Эх сурвалж: "Монцамэ" агентлаг
Сэтгэгдэл2
ТА БҮХЭН НААГУУРАА МОНГОЛЫГ ИВЭЭЛДЭЭ АВАХАА ЯРИЛЦВАЛ САЙН ШҮҮ.
Европыг дүрвэгсдийн колони болгосон орон чинь америк шүү дээ. Америк НАТО-ийн жүжиглэлт хэнд ч хэрэггүй.