Баасан - 08 сарын 21,
2026
ОХУ-ын Гадаад хэргийн яамны албан ёсны төлөөлөгч Мария Захарова наймдугаар сарын 20-нд болсон хэвлэлийн бага хурлын үеэр Японы эрх баригчдыг Дэлхийн II дайны үр дүнг бүрэн хүлээн зөвшөөрч, дайны үеийн түрэмгийллийн түүхээ өөрчлөн тайлбарлахаа зогсоохыг уриалжээ.
Тэрбээр Япон улс Дэлхийн II дайны үед Ази, Номхон далайн бүс нутагт явуулсан цэргийн түрэмгийллийнхээ хариуцлагыг өнөөг хүртэл бүрэн хүлээн зөвшөөрөхгүй байгаа хэмээн шүүмжилсэн байна.
Япон улс Дэлхийн II дайнд бууж өгсний 81 жилийн ой тохиож буй энэ үед Токиогийн эрх баригчид дайны үеийн үйл ажиллагаандаа бодитой дүгнэлт хийж, түүхэн хариуцлагаа хүлээхийн оронд өөрийгөө дайны хохирогч мэтээр харуулахыг оролдож байна гэж Захарова мэдэгджээ.
Мөн Японы улс төрчид дайны төгсгөлийн ойг тохиолдуулан Ясукуни сүмд хүндэтгэл үзүүлж буйг Оросын тал шүүмжилсэн байна. Уг сүмд Токиогийн олон улсын цэргийн шүүхээс А зэрэглэлийн дайны гэмт хэрэгтнээр яллагдсан хүмүүсийг мөн тахин хүндэтгэдэг. Захарова үүнийг Япон улс дайны үеийн түүхээ өөрчлөн тайлбарлаж, тухайн үеийн гэмт хэргүүдийг бүдгэрүүлэх хандлагын нэг илрэл гэж үзжээ.
Үүний зэрэгцээ Москва Японы батлан хамгаалах бодлогод гарч буй өөрчлөлт, цэргийн хүчин чадлаа нэмэгдүүлэх чиглэлийг анхааралтай ажиглаж байгаагаа илэрхийлэв.
Захаровагийн хэлснээр Токио өнгөрсөн үеийн түрэмгийллийн хариуцлагаа бүрэн ухамсарлахын оронд дахин цэрэгжих чиглэлд явж байгаа нь бүс нутгийн тогтвортой байдалд сөргөөр нөлөөлөх эрсдэлтэй аж.
Иймээс Оросын тал Японыг Дэлхийн II дайны үр дүнг бүрэн хүлээн зөвшөөрч, Ази, Номхон далайн бүс нутагт явуулсан дайны түрэмгийллийнхээ түүхэн хариуцлагыг хүлээхийн зэрэгцээ өнгөрсөн түүхээ өөрчлөн бичих, өөрт ашигтайгаар тайлбарлах оролдлогоо зогсоохыг уриалжээ.
Г.Бямба
.jpg)
Сэтгэгдэл3
ОРОСУУДЫН ЗОХИОСОН БАЛАЙ ТҮҮХИЙГ ХЭН Ч ҮНЭМШИХГҮЙ. УЛНЫ ГУЙЛГАЧИН МОНГОЛЧУУД ҮНЭМШЭЭД БАЛАЙНУУД.
Азийн дайсан Оросуудын нутаг Татарстаны Казаниас дорно өрнө зүгт байхгүй.Юун доорд үздэг Азийнх нь нөгөө өнцгийн Курил вэ. Дайнаа яривал Орос Япон хоёр үл довтлох гэрээтэй байснаа Оросууд зөрчиж Америк Японыг бөмбөгдөж ялагдах нь тодорхой болчихсоны дараа үхдэл рүү дайрах цөөвөр мэт дайрч зулгаасан.Дээр нь Оросууд Ази Сибирийн уугуул ард түмнүүдийг нь дурак гэж үзэн ядаж доромжилж устгаж ирсэн.Нутгийг нь болохоор манайх гэнээ бас.
Японы талд орох хэрэггүй. Оросын зохиосон гэх түүхийг ярьж маргах хэрэггүй. Монголоор бай. Халх голд дайтсан түүх үнэн. Оросууд японоос болж Монголчуудын дунд тагнуулын хэрэг үүсгэж бас хядсан түүх үнэн. Энэ хоёр улс аль аль муу муухай зүйл манайд хийжээ. Өвөрмонголыг харцгаа, яагаад хятадын дарлалд байна вэ.