sonin.mn
Сэтгэгдэл (0)

Дорнод аймгийн Матад сумын нутаг дэвсгэрт тосны хайгуулын чиглэлээр үйл ажиллагаа явуулж байгаа “Монголиа файсон энержи” компанийн ажилчдын байр луу Үнэн ба зөв намын дэд дарга Г.Солонго болон тэмцэгч гэх Г.Адилбиш нар зөвшөөрөлгүй нэвтэрч, эрх чөлөө, эд хөрөнгөнд нь халдсан явдал гарсан билээ.

Уг асуудлыг аймгийн цагдаагийн газраас бүртгэлд авч, шалгалтын ажиллагааг явуулж байгаа ба тэднийг иргэдийг өчигдрөөс түр саатуулсан байна.


“Монголиа файсон энержи” компани нь Монгол Улсын Засгийн газрын шийдвэрээр газрын тосны хайгуулын чиглэлээр үйл ажиллагаа явуулж байгаа бөгөөд Сүхбаатар аймгийн Сүхбаатар сумын тавдугаар багийн нутаг дэвсгэрт ажилчдаа түр байрлуулсан байжээ.


Г.Солонго, Г.Адилбиш нарын үйлдэл нь илтэд Монгол Улсын эсрэг үйлдэл бөгөөд Засгийн Газар Газрын тосны үйлдвэрийн гацааг гаргаж, газрын тосны хайгуулыг нэмэгдүүлэхээр хөрөнгө оруулагчидтай тохиролцсон билээ.

Уг ажил маш шуурхай өрнөж, газрын тосны хайгуулын ажлыг Хятадын компаниуд эхэлсэн байна.

Гэтэл Үнэн ба Зөв намын дэд дарга Г.Солонго тэргүүтнүүд уг хайгуулыг "Муусайн хужаа нар халхын юу хийж байгаа юм, гахай хужаа хоёр адилхан шдээ. Хөөж гарга.Энэ муусайн гөлөгнүүд инээгээд байгаа нь дургүй хүргэж байна" гэсэн үндэслэлээр эсэргүүцэж буй нь яаж ч бодсон эх орныхоо эсрэг хийж буй үйлдэл тул Г.Солонго, Г.Адилбиш нарт заавал хуулийн хариуцлага тооцох ёстой билээ.


С.Сарнай