sonin.mn
Сэтгэгдэл (2)

АНУ, Ираны хоорондын Ойрхи Дорнод дахь цэргийн сөргөлдөөн үргэлжилж, нөхцөл байдал улам хурцдах вий гэсэн болгоомжлол олон улсын зах зээлд нэмэгдсэнээр, олон улсын түүхий газрын тосны фьючерсийн үнэ 7-р сарын 19-ний өдөр долоо хоногийн эхний арилжаагаар огцом өсөж, Брент газрын тосны үнэ баррель тутамдаа 90 ам.долларыг давлаа.

Америкийн зүүн нутгийн цагаар 7-р сарын 19-ний 18:15 цагийн байдлаар Нью-Йоркийн барааны биржийн 8-р сард нийлүүлэх хөнгөн чихэрлэг түүхий газрын тосны фьючерсийн үнэ баррель тутамдаа 85.17 ам.долларт хүрч, 2.68 ам.доллар буюу 3.25 хувиар өссөн байна.


Үүний зэрэгцээ Лондонгийн зах зээл дээр 9-р сард нийлүүлэх Брент газрын тосны фьючерсийн үнэ баррель тутамдаа 90.97 ам.долларт хүрч, 2.87 ам.доллар буюу 3.26 хувиар нэмэгджээ.


Ираны Фарс мэдээллийн агентлаг 7-р сарын 19-нд эх сурвалжийн мэдээллээс эш татан мэдээлэхдээ, Ормузын хоолойгоор дамжин өнгөрөх тээврийн хөдөлгөөн "тэг" түвшинд хүрээд байна. АНУ өдөөн хатгасан үйлдлээ дахин үргэлжлүүлбэл тус хоолой хаалттай хэвээр байх болно гэсэн байна.

 Ираны Атомын эрчим хүчний байгууллага мөн өдөр мэдэгдэл гаргаж, мөн өдөр Ираны баруун өмнөд хэсэгт орших Дарховин дахь цөмийн цахилгаан станцын барилгын газарт АНУ-ын үйлдсэн террорист халдлагыг буруушаажээ.


Түүнчлэн, АНУ-ын Төв командлал олон нийтийн сүлжээгээр мэдээлэхдээ, 17-ны өдөр Йорданы нутаг дэвсгэрт Ираны баллистик пуужин болон нисгэгчгүй онгоцны халдлагын улмаас АНУ-ын хоёр цэргийн алба хаагч амиа алдсан, мөн 18-ны өдөр Иракийн хойд хэсэгт Ирантай холбоотой үүрэг гүйцэтгэж байх үед АНУ-ын өөр нэг цэргийн алба хаагч амиа алдсан болохыг баталгаажуулжээ.


Г.Бямба