sonin.mn
Сэтгэгдэл (0)

Технологийн инноваци хэрхэн богино хугацааны хийрхэл, шуугианыг даван туулж, тогтвортой үйлдвэрлэлийн хүчин болох вэ? Далянь хотод болж буй Зуны Давосын форум үүнд хариулт өгч байна: Тухайлбал массын инноваци. Хятадын Төв Радио Телевизийн CGTN-ийн дэлхий даяарх интернет хэрэглэгчдийн дунд явуулсан санал асуулгаас харахад судалгаанд оролцогчдын 93.4% нь Хятадын асар том зах зээл, хэрэглээний олон ургалч байдал нь инновацийн технологийг хэрэглэгчдэд ээлтэй байлгах өргөн боломж нээж байна гэж үзжээ. 


2025 онд Хятад дахь хиймэл оюун ухааны компанийн тоо 6000-аас давж, голлох салбарын цар хүрээ 1.2 их наяд юаниас давна гэж тооцоолж байна. Эдийн засгийн хамтын ажиллагаа, хөгжлийн байгууллагын статистик мэдээллээс харахад Хятадын хиймэл оюун ухааны компаниуд дэлхий даяар ойролцоогоор 13.9 тэрбум ам.долларын венчур капиталын санхүүжилт татсан нь олон улсын хөрөнгө оруулалт Хятадын технологийн инновацийн хэтийн төлөв, боломжид итгэж байгааг харуулж байна. Хиймэл оюун ухааны салбар дахь массын инновацийн хувьд судалгаанд оролцогчдын 72.4% нь технологийг олон төрлийн үйлдвэрлэлд гүнзгий нэвтрүүлэх, өртгийг бууруулж, үр ашгийг дээшлүүлэх, үйл явцыг өөрчлөх, бүтээгдэхүүний инноваци, үйлчилгээний шинэчлэл хийх замаар бодит үнэ цэнийг илрүүлэх явдал гэж үзэж байна; Судалгаанд оролцогчдын 73.6% нь хиймэл оюун ухааны инноваци өдөр тутмын амьдралд бага өртөгтэй, өргөн хүрээтэй, өндөр үр ашигтай байдлаар нэвтэрч чадах эсэх нь тэдний үнэ цэнийн шалгуур гэж үзэж байна. Цаашилбал, судалгаанд оролцогчдын 85.1% нь массын инноваци нь эрүүл, тогтвортой бизнесийн хаалттай мөчлөгийг бий болгоход түлхэц болж, технологийн инновацийн ололт амжилтыг урт хугацааны хөгжлийн замд оруулах боломжийг олгодог гэж үзсэн байна. 


Энэхүү судалгааг CGTN-ийн Англи, Испани, Франц, Араб, Орос хэл дээрх платформууд дээр нийтэлсэн бөгөөд 24 цагийн дотор 5913 хүн оролцож, санал бодлоо илэрхийлсэн байна.


Г.Бямба