sonin.mn
Сэтгэгдэл (2)

6-р сарын 24-ний орой ХКН-ын Төв Хорооны Улс төрийн товчооны гишүүн бөгөөд Гадаад харилцааны сайд Ван И Пакистаны Ерөнхий сайдын орлогч бөгөөд Гадаад хэргийн сайд Мухаммед Исхак Исхак Дар нар утсаар ярив.

Дар Хятадын Коммунист Нам байгуулагдсаны 105 жилийн ой болох гэж буйд халуун баяр хүргэв. Тэрээр ХКН-ын удирдлага дор Хятадын гаргасан гайхалтай амжилтад биширч байгаагаа илэрхийлж, намын байгуулалт, төрийн засаглалын туршлагын талаар Хятадын талтай солилцоогоо бэхжүүлэхийг хүсч байгаагаа илэрхийлжээ. Ван И хэлэхдээ, Ши Жиньпиний намын байгуулалтын талаарх үзэл баримтлалаар удирдлага болгон ХКН Хятадын ард түмнийг Хятадын үндэсний нөхцөл байдалд тохирсон хөгжлийн замыг амжилттай бий болгоход чиглүүлсэн гэж мэдэгдэв. Хятад улс Пакистантай нам хоорондын солилцоогоо бэхжүүлж, төрийн засаглалын туршлагаа хуваалцахад бэлэн байна гэжээ.

Дар Иран, АНУ-ын хоорондын хэлэлцээрийн шинэ үе шатыг эхлүүлэхтэй холбоотой нөхцөл байдлын талаар Ван И-д мэдээлэл өгч, Пакистаны энх тайвны төлөөх зуучлалын хүчин чармайлтыг тууштай дэмжиж байгаа Хятад улсад талархал илэрхийлэв. Тэрээр Ойрхи Дорнодын энх тайван, тогтвортой байдлыг хамгаалах, дэмжих талаар Ши Шиньпиний дэвшүүлсэн дөрвөн зүйлт санал, түүнчлэн Пакистан, Хятадын хамтран дэвшүүлсэн Ойрхи Дорнод болон Персийн булангийн бүс нутгийн энх тайван, тогтвортой байдлын талаарх таван зүйлт санаачилга нь нөхцөл байдлыг намжаахад чухал үүрэг гүйцэтгэсэн гэж тэмдэглэсэн байна.


Ван И Иран, АНУ-ын хооронд ойлголцлын санамж бичигт гарын үсэг зурсан нь Олон улсын хамтын нийгэмлэгийн хамтын хүчин чармайлтын үр дүн гэж мэдэгдэж, Хятад улс Пакистан болон бусад ижил төстэй улс орнуудыг бүтээлч үүрэг гүйцэтгэхэд нь үргэлжлүүлэн дэмжих болно гэжээ.


Г.Бямба