Пүрэв - 06 сарын 18,
2026
Бүх Монголчуудын Оюу Толгой хөдөлгөөн мэдэгдэл гаргажээ.
Уг мэдэгдэлд:"Манай улсын эдийн засгийн хөгжилд Оюу толгойн уурхай том байр суурь эзэлдэг гэж монгол хүн бүр ойлгож ирсэн. Гэвч өнөөдөр өдөрт 60 тэрбумын баялаг ОТ-оос гаргаж байгаа мөртлөө дөнгөж 5 тэрбум нь Монгол улсын төсөвт орж, үлдсэн 55 тэрбумыг Риотинтод дээрэмдүүлж байгаа нь тодорхой боллоо. Монголд орж байгаа 5 тэрбум нь өдөрт Рио Тинтогийн зөвхөн зээлийн хүүнд авч буй 15 тэрбумаас 3 дахин бага байна. ҮХ-д монгол улсад газар, түүний хэвлий, ой, ус, амьтан, ургамал болон байгалийн бусад баялаг ГАГЦХҮҮ ард түмний мэдэл, төрийн хамгаалалтанд байна гэж хуульчилсан.
Гэвч энэхүү эрх мэдлээ Монголын ард түмэн хэрэгжүүлж, баялагтаа хатуу хяналт тавьж чадалгүй өдий хүрлээ. Эзэн эрхээ хэрэгжүүлчихвий гэж дотоод гадаадын шуналтангууд байнга сатааруулсаар ирсэн, одоо ч саад учруулахыг санаархаж байна.
Өнгөрсөн 13 жилийн хугацаанд гэхэд зөвхөн Оюутолгойгоос 21 тэрбум долларын баялаг гаргасан ч 34 хувийг эзэмшигч Монголын талд нэг ч төгрөгийн ногдол ашиг хүртээсэнгүй. Гэрээг энэ хэвээр үргэлжлүүлбэл хамгийн их баялаг олборлох ирэх 10 жилд Монгол улс мөн л нэг ч төгрөгийн ногдол ашиг хүртэхгүйгээр Оюутолгойн нөөц дуусах нөхцөл бүрдлээ. Иймээс Оюутолгойн гэрээг нэг ч өдөр алдахгүйгээр цуцлах шаардлагатай байна.
Өнөөдөр дэлхийд 4- т орж байгаа том орд болох Оюу толгойн уурхайг ашигласнаар монгол хүн бүр өдөр бүр 45 сая төгрөгийн өрөнд унаад эхэлжээ.
Оюу толгойгоос 2026.06.17-ны өдөр гаргасан Уриалгадаа "Оюу толгой" компани МУ-ын төсвийн татварын орлогын 9 орчим хувийг бүрдүүлдэг гэж мэдэгджээ. Төсвийн татварын орлогыг 100% гэж үзвэл 9%-ийг Оюу толгой бүрдүүлдэг юм байна. Оюу толгойг зогсоовол цалин, тэтгэвэр бүгд байхгүй болно гэж байгаагаас үзэхэд бид төсвийн татварын орлогын 9%-иар л амьдардаг баймгүй юм. Цаашид өргүй байх, баялагийг үр дүнтэй ашиглах, хохирлоо тогтоолгож нөхөн төлүүлэх зайлшгүй шаардлага үүсч байгаа тул Бүх монголчуудын Оюу толгой хөдөлгөөн"-ийг санаачлан байгуулж байна.
Энэ хөдөлгөөн нь Оюу толгой уурхайн гэрээ, үйл ажиллагаа, олдборлолтын талаар бодит үнэн мэдээллийг олон нийтэд хүртээмжтэй түгээх, монголын ард түмэнд ашигтай болгох, ноогдол ашгиа авах, учируулсан хохирлыг тогтоож нөхөн төлүүлэх, хууль зөрчсөн үйлдлүүдийг тогтоож, хуулийн хариуцлага хүлээлгэх үйл ажиллагааг манлайлан хэрэгжүүлнэ.
Энэ хөдөлгөөнд бүх монголчуудыг эвлэлдэн нэгдэхийг уриалж байна." гэсэн байна.
Сэтгэгдэл4
17 жил өнгөрсөн байхад Монгол улсад хохиролтой Оюутолгой, Дубайн гэрээг хийсэн урвагчидтай төр засаг хариуцлага тооцчихсон, иргэд Оюутолгойгоос ашгаа хүртдэг байсан бол өнөөдөр зам хааж тэмцэх үү?. Тэгэхээр 17 жилийн турш асуудлаа шийдэж чадаагүй төр засаг, аргаа бараад тэмцэж буй иргэд 2- н хэн буруутай вэ ? Монголд хууль үйлчилдэг юм бол, хэн нэгэнд хуулийн хариуцлага тооцуулж нөхөн төлбөр гаргуулах гэж байгаа бол Ц.Элбэгдорж, .Ч.Сайханбилэг, С.Баяр С.Баярцогт нартай тооцоо бод!!!
Аливаа компани зардлаа нөхсөний дараа хувьцаа эзэмшигчдэд ноогдол ашиг тараадаг.ОТ арай болоогүй байна. Кр нь тэр 34 хувийг авсан нь л буруу байсан. Татвараа өндөр тавьсан бол юу гэж ийм юм болох билээ
Рио Тинтогийн бусармаг арга нь: зардлаа нөхөж байна гэдэг нэрийдлээр явц дунд олсон орлогоосоо дам аргаар ашгаа хүртээд ханалаа гэж үзсэн тохиолдолд тухайн улсын хувь эзэмшилд ногдох өртэй нь хоосон газар үлдээгэд зцгатдаг "нисэн ирээд нисэн буцах" уламжлалт арга юм. Мнголд ийм л хувь заяа тохиох бололтой. Иймд явц дунд олсон орлогын тодорой хувийг хувьцааны квотоор тооцож авч байх нь монголын эрх ашиг шүү. жилийн олсон орлогоос хэдэн хувийг 2 тал хувь тэнцүүлж хуваах, хэдэн хувийг мөн хувь тэнцүүлж зээл, зээлийн хүүд төлдөг байх асуудлыг шинэчилсэн гэрээнд заавал тусгах хэрэгтэй. Ж нь: жилд 100 тэрбум долларын орлого орлоо гэхэд хэдэн хуь нь олборлолтын зардалд, хэдэн хувь нь зээл, зээлийн хүү төлөлтөд, хэдэн хувь нь талуудад увь тэнцүүлэн хуваагдаж олгогдож бах нөхцлийг гэрээнд заавал тусгаж хэрэгжүүлэх шаардлагтай шүүдээ.
Рио Тинтогийн бусармаг арга нь: зардлаа нөхөж байна гэдэг нэрийдлээр явц дунд олсон орлогоосоо дам аргаар ашгаа хүртээд ханалаа гэж үзсэн тохиолдолд тухайн улсын хувь эзэмшилд ногдох өртэй нь хоосон газар үлдээгэд зцгатдаг "нисэн ирээд нисэн буцах" уламжлалт арга юм. Мнголд ийм л хувь заяа тохиох бололтой. Иймд явц дунд олсон орлогын тодорой хувийг хувьцааны квотоор тооцож авч байх нь монголын эрх ашиг шүү. жилийн олсон орлогоос хэдэн хувийг 2 тал хувь тэнцүүлж хуваах, хэдэн хувийг мөн хувь тэнцүүлж зээл, зээлийн хүүд төлдөг байх асуудлыг шинэчилсэн гэрээнд заавал тусгах хэрэгтэй. Ж нь: жилд 100 тэрбум долларын орлого орлоо гэхэд хэдэн хуь нь олборлолтын зардалд, хэдэн хувь нь зээл, зээлийн хүү төлөлтөд, хэдэн хувь нь талуудад увь тэнцүүлэн хуваагдаж олгогдож бах нөхцлийг гэрээнд заавал тусгаж хэрэгжүүлэх шаардлагтай шүүдээ.