sonin.mn
Сэтгэгдэл (0)

Америкийн ерөнхийлөгч Дональд Трампын засгийн газар сүүлийн үед зарим улсын бараанд импортын нэмэлт тариф ногдуулах санал гаргасантай холбогдуулан Хятадын Гадаад харилцааны яамны хэвлэлийн төлөөлөгч Мао Нин зургаадугаар сарын 3-нд болсон ээлжит хэвлэлийн бага хурлын үеэр сэтгүүлчийн асуултад хариулжээ.


Мао Нин хэлэхдээ, Хятадын тал аливаа хэлбэрийн ганц талын тарифын арга хэмжээг тууштай эсэргүүцдэг бөгөөд тарифын дайн, худалдааны дайн нь аль ч талын эрх ашигт нийцдэггүй гэжээ.


Тэрээр эдийн засаг, худалдаатай холбоотой асуудлыг эрх тэгш байдал, харилцан хүндэтгэл, харилцан ашигтай байх зарчимд тулгуурлан, яриа хэлэлцээ болон зөвшилцлөөр шийдвэрлэх ёстой гэж онцолсон байна.