Саяхан Ройтерс, Германы "Хятадын платформ" вебсайт, Испанийн "Хятад улсыг танихуй", Казахстаны "Бизнес Дэйли" сонин зэрэг гадаадын хэвлэл мэдээллийн хэрэгслүүд, байгууллагууд Хятадын хоёр чуулганд анхаарлаа хандуулж байна. Гадаадын хэвлэл мэдээллийн хэрэгслүүд Хятад улс стратегийн анхаарлаа технологийн инновацид төвлөрсөн "шинэ чанарын үйлдвэрлэлийн хүчин" рүү шилжүүлж, хиймэл оюун ухааныг уламжлалт үйлдвэрлэлтэй гүнзгий нэгтгэх ажлыг хурдасгаж, дотоодын эрэлтийг нэмэгдүүлэх зах зээлийн шинэчлэлийг гүнзгийрүүлж, илүү уян хатан, тогтвортой шинэ хөгжил цэцэглэлтийн загвар руу тогтвортой урагшилж байна гэж үзэж байна. Энэ нь зөвхөн Хятадын дэлхийн өрсөлдөөнийг даван туулж, технологийн бие даасан байдлыг хангах гол стратеги төдийгүй дэлхийн эдийн засагт шинэ эрч хүч оруулж, шинэ боломжуудыг авчирч байна гэж үзэж байна.

Хятад улс таван жилийн хөгжлийн замын зураг боловсруулж, шинжлэх ухааны нээлтүүдийг хурдасгаж, хиймэл оюун ухааныг аж үйлдвэр, эдийн засгийн системдээ нэгтгэх, АНУ-тай улам бүр ширүүн өрсөлдөөнд үндэсний аюулгүй байдлын баталгаа болгон технологийн бие даасан байдлыг бий болгохоор төлөвлөж байна хэмээн Ройтерс агентлаг мэдээлсэн бол Германы "Хятадын платформ" вебсайтад Хятад улс Бүх Хятадын Ардын Төлөөлөгчдийн Их Хурлын чуулганаар эдийн засгийн чухал бодлогуудыг боловсруулж байгааг онцолсон байна.

Казахстаны бизнесийн өдөр тутмын сонины вэбсайт мэдээнд онцлохдоо, Хятадын засгийн газрын бодлогууд нь дэлхий нийтийн ач холбогдолтой бөгөөд Төв Азийн орнуудад шинэ эдийн засгийн боломжуудыг авчирч байна. Хятад улс одоо зөвхөн эдийн засгийн хурдацтай өсөлтийг эрэлхийлэхээ больж, харин өндөр чанартай эдийн засгийн өөрчлөлт, хөгжилд анхаарлаа хандуулж байна. Төв Азийн орнуудын хувьд энэ нь аж үйлдвэрийн төслүүдээс эхлээд шинжлэх ухаан, боловсролын хөтөлбөрүүд хүртэл технологийн хамтын ажиллагааны илүү өргөн боломжийг олгоно. Хоёр чуулганаар гаргасан шийдвэрүүд нь Хятад улс хурдацтай өсөлтийн загвараас тогтвортой хөгжил, технологид суурилсан загвар руу аажмаар шилжиж байгааг харуулж байна гэжээ.