sonin.mn
Сэтгэгдэл (2)

3-р сарын 9-ний өдөр АНУ-ын ерөнхийлөгч Доналд Трамп Флорида мужийн Майами хотод болсон хэвлэлийн бага хурал дээр АНУ-ын Ираны эсрэг явуулж буй цэргийн ажиллагаа тун удахгүй дуусна гэж мэдэгдсэн боловч “энэ долоо хоногт дуусахгүй” гэж онцолсон байна.


Тэрээр мөн хэвлэлийн бага хурлын үеэр Ираны эсрэг цэргийн ажиллагааны хугацаа, Ормузын хоолой дахь усан замын нэвтрэлт ба олон улсын эрчим хүчний аюулгүй байдал, Ираны шинэ дээд удирдагч зэрэг асуудлыг дурджээ.


Трамп хэлэхдээ, хэрэв Иран дэлхийн түүхий нефтийн нийлүүлэлтэд нөлөөлөх алхам хийвэл АНУ илүү хүчтэй цохилт өгнө гэж анхааруулсан байна. Мөн нөхцөл байдал бүрдвэл АНУ-ын тэнгисийн цэргийн хүчин Ормузын хоолойд усан онгоцнуудыг хамгаалан дагалдан явна гэж мэдэгдсэн байна.


Түүнчлэн Трамп олон улсын нефтийн үнэ өссөн ч энэ нь түүний таамгаас бага байсан гэж хэлжээ. Тэрээр Ираны эсрэг цэргийн ажиллагааг эхлүүлэхээс өмнө эрчим хүчний үнэ өснө гэдгийг урьдчилан таамаглаж байсан бөгөөд нефтийн үнийг тогтворжуулахын тулд газрын тосны салбартай холбоотой зарим хориг арга хэмжээг цуцлах бодолтой байгаагаа илэрхийлсэн байна.


Г.Бямба