sonin.mn
Сэтгэгдэл (14)

Сүүлийн өдрүүдэд ЦЕГ-ын дарга, хошууч генерал Ж.Болдтой холбоотой элдэв мэдээллүүд сошиал орчинд цацагдаж эхлэв.Мэдээллийн агуулга, давтамж зэргийг нь харвал яахын аргагүй зохион байгуулалттай ажиллагаа гэдэг нь анзаарагдана. Тэгвэл Монголын цагдаагийн байгууллагын нэр хүндийг унагах, тэр дундаа ЦЕГ-ын дарга, хошууч генерал Ж.Болдыг “харлуулах” шаардлага хэнд яагаад үүсэх болов? Үүний хариултыг хамтдаа эрцгээе. Цагдаагийн байгууллага улс төрд нөлөө бүхий этгээдүүд биечлэн оролцсон хэд хэдэн хэргийг мөрдөн шалгаж буй аж.


Тодруулбал Л.Оюун-Эрдэнийг Ерөнхий Сайдаар ажиллаж байх үед 20 сая долларыг Оюутолгойн далд уурхайн бүтээн байгуулалтыг чадавхжуулахад зарцуулах ёстой байсан ч зориулалтын бусаар зарцуулсан байж болзошгүй хэргийг шалгаж байгаа юм байна.


Уг 20 сая доллараас “Монгол хаан” жүжигт зарцуулсан байж болзошгүй асуудал хүртэл илэрсэн аж. Мөн УИХ-ын гишүүн П.Сайнзориг, Э.Болормаа нарыг яллагдагчаар татсан хэрэг, Л.Оюун-Эрдэнэ, Б.Тулга нарын оролцоотой улсын хил орчмын газрыг зарсан хэрэг, “ Hero Entertainment”-ын н.Баатар тэргүүтнүүд “Гэрэгэ тауер”-ын 15 давхарыг дээрэмдсэн байж болзошгүй хэрэг бүгд харьяаллын хувьд цагдаагийн байгууллага шалгаж буй юм байна. Улс төрд нөлөө бүхий этгээдүүд биечлэн оролцсон байж болзошгүй ийн олон хэргийг нэг дор шалгаж байсан түүх бага. Иймээс ч цагдаагийн дарга маш олон “томчуудын” эрх ашгийг хөндөж буй бөгөөд тэр ч хэрээрээ мэдээллийг дайралтыг амсаж буй бололтой.




Э.Солонго