sonin.mn
Сэтгэгдэл (0)

БЭЭЖИН, 2026 оны гуравдугаар сарын 3 /Xinhua/. Бүх Хятадын Улс төрийн зөвлөлдөх зөвлөлийн /БХУТЗЗ/ 14 дэх удаагийн сонгуулийн Үндэсний хорооны товчооны 15 дугаар хурал даваа гарагт дуусжээ. Хаалтын хурлыг Хятадын Коммунист Намын Төв хорооны Улс Төрийн Товчооны Байнгын Хорооны гишүүн, БХУТЗЗ-ийн Үндэсний хорооны дарга Ван Хунин даргалж, үг хэлсэн байна.


Тэрбээр хэлэхдээ, БХУТЗЗ-ийн Үндэсний хороо өнгөрсөн онд үүргээ шударгаар биелүүлж, хариуцлагатай, идэвхтэй ажилласнаар бүх чиглэлд шинэ ахиц дэвшил гаргалаа хэмээн онцлон тэмдэглэжээ.


Ван Хунин улс төрийн зөвлөхүүдэд хандан 2026 онд 15 дугаар таван жилийн төлөвлөгөөг (2026-2030) хэрэгжүүлэхэд өөрсдийн санаачилга, санал зөвлөмжийг төвлөрүүлж, зөвшилцөлд хүрч, таван жилийн төлөвлөгөөг амжилттай эхлүүлэхийн тулд мэдлэг, туршлагаа дайчлахыг уриалсан байна. Түүнчлэн Бээжин хотноо гуравдугаар сарын 4-нд буюу маргааш эхлэх 14 дэх удаагийн сонгуулийн БХУТЗЗ-ийн 4 дүгээр чуулганд бэлтгэхэд бүхий л чармайлтаа дайчлахыг уриалжээ.


Хурлын үеэр 4 дүгээр чуулганаар хэлэлцэх асуудлууд, УТЗЗ-ийн Үндэсний хорооны Товчооны ажлын тайлан, УТЗЗ-ийн Үндэсний хорооны гуравдугаар чуулганы дараа улс төрийн зөвлөхүүдийн саналыг хянан үзсэн явцын тайлан зэрэг хэд хэдэн баримт бичгийг баталжээ.


Эдгээр баримт бичгийг 14 дэх удаагийн сонгуулийн БХУТЗЗ-ийн 4 дүгээр чуулганаар хэлэлцүүлнэ. Мөн хурлаар санал хураалт явуулж, УТЗЗ-ийн Үндэсний хорооны дөрөвдүгээр чуулганы Нарийн бичгийн дарга нарын газрын дарга, дэд даргад нэр дэвшигчдийг баталжээ. Үүнээс гадна, УТЗЗ-ийн Үндэсний хорооны хэд хэдэн гишүүний бүрэн эрхтэй холбоотой шийдвэрийг баталсан байна.




Д.Жаргал

Эх сурвалж: "Монцамэ" агентлаг