sonin.mn
Сэтгэгдэл (0)

Өнөөдөр, нэгдүгээр сарын 20-нд Хятадын Төрийн зөвлөлийн мэдээллийн алба хэвлэлийн бага хурал хийж, Сангийн яамны албан тушаалтнууд эдийн засаг, нийгмийн өндөр чанартай хөгжлийг дэмжихэд авч хэрэгжүүлсэн санхүүгийн бодлогуудыг танилцууллаа.




Хэвлэлийн бага хурал дээр, 2025 онд иргэдийн амьжиргааг баталгаажуулах тал дээр санхүүгийн эрчимтэй бодлого хэрэгжүүлсэн гэдгийг мэдэгдэв, тухайлбал: 


Нэгдүгээрт, ажлын байр тэргүүлэх зарчмыг баримталж, төв засгийн газар ажлын байрны татаасыг 66.74 тэрбум юаниар санхүүжүүлсэн.


Хоёрдугаарт, оршин суугчдын эрүүл мэндийн даатгал болон нийгмийн эрүүл мэндийн үндсэн үйлчилгээний санхүүгийн татаасыг жилд нэг хүнд тус тус 700 юань, 99 юань болгон нэмэгдүүлжээ. Төв засгийн газар 2025 онд холбогдох татаасанд ойролцоогоор 490 тэрбум юань хуваарилсан байна. 


Гуравдугаарт, тэтгэвэрт гарсан хүмүүсийн үндсэн тэтгэврийн түвшинг нийтдээ 2%-иар нэмэгдүүлсэн бөгөөд хот, хөдөөгийн оршин суугчдын улсын доод хэмжээний тэтгэврийн хэмжээг нэг хүнд сард 20 юаниар нэмэгдүүлжээ. Төв засгийн газар 2025 онд суурь тэтгэврийн даатгалын татаасанд ойролцоогоор 1.2 их наяд юань хуваарилсан байна. 


Дөрөвдүгээрт, цэцэрлэгийн сүүлийн жилээс эхлэн хүүхэд асрах, боловсролын төлбөрийг чөлөөлөх замаар сургуулийн өмнөх боловсролыг үнэ төлбөргүй болгох ажлыг аажмаар хэрэгжүүлж, ойролцоогоор 14 сая хүнд ашиг тус өглөө. Үндэсний тэтгэлэг, буцалтгүй тусламжийн стандартыг нэмэгдүүлж, тэдгээрийн хамрах хүрээг өргөжүүлжээ. 


Тавдугаарт, хүүхэд асрах татаасны системийг бий болгож, улсын сан хөмрөгөөс гурван нас хүрээгүй нярай хүүхдэд хүүхэд асрах татаас олгоход 100 тэрбум юань хуваарилсан бөгөөд эдгээр татаасыг хувь хүний ​​орлогын албан татвараас чөлөөлсөн байна.