Хууль Зүйн сайд, УИХ-ын гишүүн Б.Энхбаяр өнөөдөр мэдээлэл хийх үеэрээ “Эрдэнэс Тавантолгой” ХК-ийн дарга асан Б.Ганхуягийн УИХ-ын дарга асан Д.Амарбаясгалан руу андуурч бичсэн мессежийг дэлгэлээ.

Сумъяа бүр лалартаад байвал эртхэн Аюурыг татаж оруулах арга хэмжээ аваад намайг энэ нөхөр дарамталж байгаа шиг Аюураар хариг нь бариулъя. Гэхдээ ихлээ чиний бооцоог, гогцоонд ямар хариу, бодит алхам хийхийг харий гээд байна лээ Аюур.

Сумъяад боломж олговол юу нь нам, юу нь гэрээ болох нь тодорхой боллоо. Найзынхаа мэдрэмжид итгээрэй. Сумъяа өчигдөр Удаанаагийн ажлын хэсгийн үйл ажиллагааг хүн бүр рүү өөрөө утсаар ярьж зогсоосон. Одоо Удаанаад зөвхөн МТЗ-ийн Цэнгэл ахын хэдэн хүн л үлдсэн байна.

Би ч хүмүүсээ оролцуулж чадахгүй боллоо. Бүгд Сумъяагаас айж байна. Манай захирлуудын нүдний гал унтарчихсан. Энэ хүний нөлөөг зогсоохгүй бол бид зүтгэж олсон бүхнээ нэг шуналтай бэртэгчинд алдахаар байна. Одоо чиний хамгаалалт, дэмжлэг л хүчээ хадгалж үлдэх цорын ганц найдвар боллоо.

Надруу, энэ компанийн сүүрүүлэхээр захиалгат алуурчин явуулж байгаа гэдгийг би чамд зөндөө хэлсэн, чи ч үл тоосоор ирсэн, таны хүч хүрэхгүй байгаа гэж ойлгох уу би. Надад одоо л танай дэмжлэг, хүч, нөлөө ус агаараас илүү хэрэгтэй болоод байна.

Энэ хүн зүгээр намайг нийгмийн өмнө, намын өмнө харлуулах, намын даргын өмнө нэр хүндгүй арчаагүй нэгэн болох зорилготойгоор ирж байгаагаа өөрөө хүлээн зөвшөөрөхөөс аргагүй байна. Сумъяа 14 хоногийн “express” хар төлөвлөгөөг хэрэгжүүлж байгаа нь тодорхой. Бид энэ мэдээллийг боломжит бүх сувгаар гаргаж, томилгоог МҮД-д өгөхөд бэлэн байна. Энэ бол дараагийн алхамд чухал суурь, ялалтын эхлэл гэж би итгэж байна. Бидэнд маргааш 15:00 цаг хүртэл хугацаа бий. Энэ томилгоо алдагдвал ЭТТ-ийн 50%-ийг алдана гэсэн үг. Том төсөл, том хөрөнгө, том ирээдүй NO NO шүү, даргаа.

Миний найз би чиний төлөө за гэж хэлээд ёогүй зүтгэж байгаа. Хэлсэн үг бүрийг чинь тушаал мэт хүлээн авч, хатуужилтайгаар, итгэлтэйгээр биелүүлж ирсэн. Аюур хүртэл надад итгэхээ больсон.

Сая тусламж хүсэж очиход чинь үнэнчээр амь насаа хайргүй зүтгэж байсан Амраа чинь чамайг хүнд үед чинь хаашаа юу гэж асууж эхэлж байна. Би чиний итгэлийн дагуу компанийг засаж төвхнүүлсэн. Харин Сумъяа орж ирснээс хойш миний бүх гар, хүнийг таслах оролдлого хийж ирсэн. Чи хамгаалагчдаа дэврээсэн байсан. Одоо бүр хэтэрч дээ, бид хоёрын зүйлийг дотроос нь эзэнтэй нь хамт шатаах гэж байгаа мэт айдастай тайван байсаар байна. Бидэнд одоо 24 цаг үлдлээ.



Н.Отгончимэг