ВАШИНГТОН. /Gallup/. Өөр улс орон руу шилжин суурьших хүсэлтэй хүний тоо дэлхий даяар сүүлийн 10 жилд урьд өмнө байгаагүйгээр нэмэгджээ. Ийм мэдээллийг Америкийн “Gallup” судалгааны компани өгч байна.
Тус компанийн явуулсан санал асуулгад дэлхийн 122 орны насанд хүрсэн 127 мянга орчим иргэн оролцсон байна. Энэхүү судалгааг коронавирусний цар тахлын дараа дэлхий нийт аажмаар хэвийн амьдралдаа эргэн орж байх үед хийжээ.
Коронавирусний цар тахал нь сүүлийн жилүүдэд шилжилт хөдөлгөөн буурахад нөлөөлсөн боловч хүмүүсийг шилжин суурьшихад саад болоогүй байна. Цар тахлын хоёр дахь жилд хүмүүсийн шилжин суурьших хүсэл сүүлийн 10 жилийн хамгийн өндөр түвшинд хүрсэн гэж тус компанийн судалгаанд дурдсан байна. Судалгаанаас үзвэл, 2021 онд дэлхийн насанд хүрсэн хүн амын 16 хувь нь (900 сая орчим хүн) боломж олдвол эх орноо үүрд орхих хүсэлтэй байв.
Үүнээс гадна, Латин Америк, Карибын тэнгис, Сахарын цөлөөс урд зүгт орших Африкийн орнууд, мөн Ази болон Тусгаар улсуудын хамтын нөхөрлөлийн (ТУХН) зарим оронд шилжин суурьших хүсэл сүүлийн 10 жилийн хамгийн өндөр түвшинд хүрсэн байна.
Гэхдээ шилжин суурьших хүсэлтэй иргэдийн тоо улс орон болгонд адилгүй байгааг судалгаанд онцолжээ. Ялангуяа, Европын Холбоо /ЕХ/, Зүүн Азийн орнуудад иргэдийн ийм хүсэл эрс буурсан байна. ЕХ-ны Герман, Франц зэрэг улсуудад, Зүүн Азиас Өмнөд Солонгос, Хятадад өөр улс руу шилжин суурьших хүсэлтэй хүмүүсийн тоо сүүлийн 10 жилийн хамгийн доод түвшинд хүрч буурсан гэж судалгаанд дурджээ.
Д.Жаргал
Эх сурвалж: "Монцамэ" агентлаг
Сэтгэгдэл0
Монголоос гадаадад гарч, ажиллах сонирхолтой хүн олширсон шүү! Манайхан бол хөдөлмөрийг нь зөв үнэлдэг оронд очиж, ажил хийн, амьдралаа дээшлүүлэх бодолтой байдаг.Түүнээс биш тухайн орны иргэн болох сонирхол бага юм билээ.Монгол улсын нийгмийн амьдралд хулгай, луйвар,хээл хахууль, хуйвалдаан нүүрлэснээс гадна цалин хөлс туйлын бага, амьдралд нь хүрдэггүй, ажил ч олддоггүй, цаанаа нэг л сөрөг байдалтай байгаа шүү! Өөрөөр хэлбэл, манай оронд Зах зээлийн нийгэм огтхон ч төлөвшөөгүй, түүхийгээрээ байна?!
Ер нь, “Ардчилал”, “Зах зээл”, “Хүний эрх” “Эрх чөлөө” гэдэг маань энэ нийгмийн нэгдмэл ойлголт юм уу? Эсвэл, ялгаатай ойлголт юм уу? Түүнийг хүртэл ард иргэд чинь мэдэхгүй байна! Нийгмийг бүрдүүлж буй иргэд, олон түмнийхээ оюуны мэдлэг боловсролыг дээшлүүлэх, чин сэтгэлээс
үргэлжлэл…чин сэтгэлээсээ эх орон, улс түмнийхээ төлөө зүтгэх сэтгэлтэй болгооч дээ! Одоо,яг энэ үед “Монголоо,эх орноо” гэх сэтгэл, бараг л , ямар ч хүнд алга болчихсонтой адил байна! Тийм сэтгэл Өмнөд Суданд үүрэг гүйцэтгэж байгаа цэргийн багийнханд л бий байх?!
Хүнд эх орон шиг сайхан газар байхгүй .Эх орны ард иргэд шиг сайхан хүмүүс байхгүй.Манайх буурай хөгжилтэй орон. Бусад орон ялангуяа хөгжилтэй орнуудтай өрсөлдөхүйц бараа бүтээгдэхүүн үйлдвэрлэх чадваргүй нь үнэн. Иймээс голчлон байгалийн баялаг түүхий эдээ экспортлож амьдарч байна.Улс орон хөгжих эсэх хөгжих, оршин эс орших нь тэр орны иргэдийн ухамсар хүмүүжил соёл хандлагаас л хамаарна. Гэхдээ эх оронгүй иргэд байх хүсэл хэнд ч байхгүй баах аа
Монголчуудад ихэнх хөгжилтэй орнууд виз олгодоггүй тулдаа хэдэн хүмүүс байж бн. Олгодог байсан бол бүгд л зугатахаар бн. Төрийн дээгүүр албанд ажилладаг авилгалчид л үлдэж магадгүй.
Виз олддог бол зөвхөн монгол биш буурай хөгжилтэй бүх орны иргэд зугатана биз Хөгжилтэй орнуудын, боол барлаг болно.Арьс өнгөөр ялгаварлагдана.Хамаг хүнд хүчир ажлуудыг нь хямд үнээр хийгчид болно.Тэнд зарцлагдана. Тэнд учиргүй сайхан нөхцөл угтана гэвэл худлаа. Эх орондоо байснаас ч хүнд зүйлтэй тулгарч болзошгүй