ИЕРУСАЛИМ. /Lenta/. Израил хувцас үйлдвэрлэлийн зорилгоор ангийн үс худалдаалахыг хориглосон анхны улс болжээ.
Энэ талаарх баримт бичигт тус улсын Байгаль орчны сайд Гила Гимлиэль гарын үсэг зурсан байна. “Jerusalem Post” сонины мэдээлснээр, хориг зургаан сарын дараа хүчин төгөлдөр хэрэгжиж эхлэх аж.
“Үслэг эдлэлийн салбар дэлхий даяар хэдэн зуун сая амьтныг үхэлд хүргэж, амьтдад үгээр хэлэхийн аргагүй харгислал, зовлон авчирч байна. Амьтны үс, арьс ширийг хэрэглэх нь ёс суртахуунгүй хийгээд хэрээс хэтэрсэн явдал юм” хэмээн тэрбээр хэлжээ.
Ийм шийдвэр гаргаснаар Израилийн загварын зах зээл байгаль орчинд илүү ээлтэй болно гэж найдаж буйгаа Гимлиэль мөн илэрхийлэв.
Идэвхтнүүд амьтны арьс үсийг ашиглахыг хориглох тухай хуулийн төслийг 2009 оноос хойш дэмжин сурталчилжээ. Тэдний үйл ажиллагааг Израилчуудын 86 хувь нь дэмжсэн байна.
Э.Аянзаяа
Эх сурвалж: Монцамэ агентлаг
Сэтгэгдэл0
Амьтаны эрхийг зөрчиж буй бас нэг зүйл нь хүмүүс ойн модыг устгаж буй явдал юм. Ойн мод бол ан амьтадын гэр орон болохоос ширээ сандал шал ор хаалга ном дэвтэр цаас хийдэг эд биш шүү.
Makhan khool, nekhii deel, khyasaanii aj akhui geed amitnii amitai kholbootoi bukhniig yaakh ve?