Лхагва - 03 сарын 26,
2025
МҮБХ ба "Эвт Монгол" клубээс санаачлан Завхан аймгийн Идэр сумын Улаанбаатар хот дахь нутгийн зөвлөл, Завхан аймгийн Засаг даргын тамгын газар, Идэр сумын Засаг даргын тамгын газар хамтран түмэн олноо “Хамбын бор”, “Урт гарт” хэмээн алдаршсан Монгол улсын арслан Маамын Лхагвын нэрэмжит улс, аймгийн алдар цолтой 256 бөхийн барилдааныг 2025.04.19-ний өдөр Монгол бөхийн өргөөнд зохион байгуулахаар товлолоо. Урт гарт хэмээн алдаршсан Монгол улсын арслан Маамын Лхагва нь 1931 оны улсын баяр наадмаар 9 давж үзүүрлэн улсын заан, 1933 онд 10 давж түрүүлэн улсын арслан цолд хүрч байв. Тус барилдааныг зохион байгуулагчдын зүгээс үзэгчдэд зориулж олон гэнэтийн бэлэг бэлдэж байгаагийн дотор супер азтан тодруулж автомашин бэлэглэхээр болжээ. Бөх сонирхогчид та бүхнийг өргөнөөр хүрэлцэн ирж үзэхийг урьж байна.
Сэтгэгдэл4
ЦОЛ гэж ийм юм байжээ ... Улсын наадамд унаагүй хүнд арслан цол өгдөг , ядаж нэг дайсан нухаагүй хүнд улсын баатар цол өгдөггүй байж ...
Одоогийн болзол нөхцөлөөр бол аварга л хүн юм шүү дээ !
32 оны бослогын дараа барилдах хүн бараг үлдээгүй юм тэгээд түрүүлэхгүй юу !
1939 оны наадамд Лхагва арслан шинэ цэрэг түвдэндоржийг давж түрүүлжээ. Түүнийг туг торч байхад нь Чойбалсан гар буу гаргаж ирэн дээш буудаад, "Түвдэндорж түрүүлсэн. Би мэдэж байна, нам мэдэж байна. Халх голын дайн болж байхад цэрэг хүн түрүүлж болдоггүй яасан наадам гэж ийм байдгийн" гэсэн. Шинэ цэрэг Түвдэндорж ингэж анхудаа наадамд түрүүлсэнд тооцогдсон. Лхагвад аварга цол өгөөгүй.