sonin.mn
Сэтгэгдэл (0)

МОСКВА, 2025 оны хоёрдугаар сарын 19 /РИА Новости/. Италийн “Милан” багийн хөлбөмбөгчид талбайдаа Нидерландын “Фейенорд”-той 1:1 харьцаагаар тэнцсэнээр Аваргуудын лигийн тэмцээнийг үргэлжлүүлэх боломжгүй боллоо.

Тус тэмцээний шөвгийн 16-д шалгарахын төлөөх хариу тоглолтод талбайн эзэн багийн Сантьяго Хименес эхний минутанд гоол оруулсан бол зочин багийн Хулиан Карранса 73 дахь минутанд хариу гоол хийжээ.

Гэмтсэн болж жүжиглэсэн хамгаалагч Тео Эрнандес хоёр дахь удаагаа шар хуудас авч, 51 дэх минутанд талбайгаас хөөгдсөнөөр миланчууд арвуулаа тоглолтыг дуусгав. Тоглолтын эцсийн шүгэл үлээсний дараа хоёр багийн тоглогчдын хооронд зодоон болж, “Фейенорд”-ын Живайро Рид улаан хуудсаар торгуулсан бол “Милан”-ы довтлогч Рафаэл Леау шар хуудас авсан байна.  




Эхний тоглолтод миланчууд Нидерландын багт 0:1-ээр хожигдсон тул хоёр тоглолтын нийлбэрээр нидерландчууд Аваргуудын лигийн шөвгийн 16-д шалгарч байна. Одоо тус баг шөвгийн 16-д шууд шалгарсан Лондоны “Арсенал”, Миланы “Интер” багуудын аль нэгэнтэй нь тоглоно. 




Шөвгийн 16-гийн эхний тоглолтууд гуравдугаар сарын 4 ба 5-нд, хариу тоглолтууд 11 ба 12-ны өдрүүдэд болно.


Б.Адъяахүү