sonin.mn
Сэтгэгдэл (1)

СӨҮЛ, 2025 оны нэгдүгээр сарын 16 /Yonhap/. Өмнөд Солонгосын Ерөнхийлөгч Юн Сог Ёль саатуулагдсан хоёр дахь өдрөө эрүүл мэндийн шалтгаанаар байцаалт өгөхгүй гэж түүний өмгөөлөгч Юн Гап Гюн мэдэгджээ.


“Ерөнхийлөгч Юн Сог Ёлийн бие сайнгүй байгаа, тэрбээр өчигдөр өөрийн байр суурийг бүрэн тайлбарласан тул түүнээс цаашид байцаалт авах шаардлагагүй” гэж өмгөөлөгч хэлсэн байна. Юн Сог Ёль өчигдөр 10 цаг үргэлжилсэн байцаалтын явцад мэдүүлэг өгөхөөс татгалзсан юм.


Түүнийг мөрдөгчид хоёр дахь удаагийн оролдлогоор өчигдөр саатуулсан бөгөөд Юн Сог Ёль өнгөрсөн шөнийг урьдчилан хорих төвд өнгөрүүлсэн байна. Өнөөдрийн байцаалт орон нутгийн цагаар 14:00 цагт эхлэх төлөвтэй байна. Ерөнхийлөгчийн өмгөөлөгчид өглөө товлосон байцаалтыг хойшлуулахыг хүссэн гэж Өндөр албан тушаалтнуудын авлигын хэргийг шалгах газар мэдээлжээ. 



Д.Жаргал

Эх сурвалж: "Монцамэ" агентлаг