sonin.mn
Сэтгэгдэл (1)

МОСКВА, 2024 оны арванхоёрдугаар сарын 18 /РИА Новости/. “Реал Мадрид” багийг дасгалжуулж буй Карло Анчелотти ФИФА-гаас олгож буй 2023/2024 оны улирлын шилдэг дасгалжуулагчийн шагналыг хүртлээ.

The Best FIFA Football Awards шагнал гардуулах ёслолын ажиллагаа Катарын нийслэл Доха хотноо мягмар гарагт болсон байна.  

Итали дасгалжуулагчийн удирдлага “Реал Мадрид” баг өнгөрсөн улиралд Испанийн АШТ, Испанийн Супер цом, Аваргуудын лиг, УЕФА-гийн Супер цомын тэмцээнүүдэд түрүүлсэн билээ.




Шилдэг дасгалжуулагчийн шагналын төлөө Луис де ла Фуэнте (Испани, Испанийн шигшээ), Лионель Скалони (Аргентин, Аргентины шигшээ), Хосеп Гвардиола (Испани, "Манчестер Сити", Англи), Хаби Алонсо (Испани, "Байер", Герман) нар өрсөлдсөн байна.

Харин шилдэг эмэгтэй дасгалжуулагчаар Английн иргэн Эмма Хэйз шалгарсан бөгөөд түүний удирдлага дор АНУ-ын шигшээ баг Парис-2024 Олимпын наадамд түрүүлсэн юм. 


Б.Адъяахүү