sonin.mn
Сэтгэгдэл (44)

Зөвлөлт Украинд цэргийн дээд сургуульд суралцан төгсгөж зэвсэгт хүчиндээ зүтгэж явсан олон арван офицерын нэгийн хувьд дайн байлдаан, давшилт хориглолтын талаар энгийн иргэдийг бодвол гадарлана. Тэр мэдлэг туршлагаараа өнөөгийн Орос-Украины энэ дайныг харж, оперативын цагийн байдлыг үнэлдэг. Фронтын мэдээнүүд Орост тун ээлгүй байна. Оросын зэвсэгт хүчин стратеги–оперативын нөөцөө шавхан байлдаж байна. Оросын арми нэгэн зэрэг хоёр ч фронтод ялагдах хүлээж байна. Сири дэх фронт нь нурлаа. Ойрхи Дорнод, Газар дундын тэнгис, Персийн булангаас Орос шахагдан гарах нь цаг хугацааны асуудал болсон тухай мэдээллүүдээс хөрвүүлж буулгая. 

 

Сирийн Ерөнхийлөгч Башар Ассадын дэглэмийг Орос 9 жилийн турш торгоов. Гэнэт нэг өдөр хөмрөв. Орос хүчээ тарамдуулан, ихэнхи хүчээ Украинд хаяж, байлдааны хүнд техникүүдээ гарздуулаад Сирид байлдуулах цэрэг, техник, хөлөг онгоцгүй болсныг нь Сирийн босогчид далимдуулан Туркийн цэргийн дэмжлэгтэйгээр ганц 7 хоногт дэглэмээ авч хаяжээ. Ассадын дэглэм сүйрснээр түүний нэр хүнд унасан биш, хамгийн гутамшигтай нь Путины нэр хүнд, Оросын улс төрийн эрх баригчдын, цэрэг-улс төрийн системийн нэр хүнд, Оросын БХЯ, ЗХЖШ-ынх нь нэр хүнд хамтдаа унажээ. Цаашид Оросыг ялагдуулах явдал гадаад улсуудынх нь хувьд шоглоом болж хувирах вий гэсэн айдас цэргийн надад төрж байна. Оросыг шившиглэх нь дэлхий дахины хэмжээнд түгээмэлжвэл мөн аюултайя!


Open photo

Оросын нэр хүнд, Путины нэр хүндийг унагах нэгэн явдлын тухай сэжиг бүхий мэдээлэл түгээд эхэллээ. Орос өөрийнхөө хөлсний тэжээвэр улс төрч Ассадыг нисэх онгоцны ослоор хэргээр үхүүлсэн гэх мэдээ Ройтерс агентлагийн хуудаснаа явж байх юм. Ассадынхны хөлөглөсөн нисэх онгоц өчигдөр Ням гаригт Дамаск хотоос хөөрсөн, гэтэл гэнэт 180 хэм эргээд дэлгэцнээс алга болж, мэдээлснээр нисэх онгоц сүйрсний улмаас Б.Ассад амь үрэгдсэн байх магадлал өндөр байна, Flightradar цахим хуудасны мэдээллийг ажвал нисч буй чиглэл нь маш хачирхалтай байсан гэжээ. Нисэх онгоц радарын дэлгэцнээс алга болсон нь гарцаагүй, уг онгоцыг сөнөөсөн байх магадлал өндөр гэж Ройтерс агентлаг өгүүлжээ.

 
Ассадын уналт ингэж эхэлжээ. Өнгөрсөн 11 дүгээр сарын 27-нд босогчид лалын зэвсэгт бүлгүүдтэй хамтран Сирийн дэглэмийн цэргийн байршлууд руу давшилтаа эхлүүлж, 12 дугаар сарын 7-8-нд Алеппо, Хама, Дейр-эз-Зор, Дираа, Хомс хотуудыг эзлэн авч, Ням гаригт буюу 12 дугаар сарын 8-нд нийслэл Дамаск хотод нэвтрэн орж эсэргүүцэлгүйгээр хотыг эзлэн авчээ.

 

Башар Ассадын дэглэм нурах үед Орос ч тэр, Иран ч тэр, Хезболла ч тэр ямар ч эсэргүүцэл үзүүлсэнгүй түүнийг зөнд нь хаяжээ. Ассад Трамптай хэлэлцэн тохирохоор холбоотон Иранаа золигт гаргах амлалт өгсөн нь бүтсэнгүй. Сирийн христиан цөнхийг хамгаалах нэрээр Унгарын Орбанд хандан зуучлал хүссэн нь ч бүтсэнгүй. Эцэст нь нийслэлээ орхижээ.

Харин сайтуудад түгсэн өөр нэг ноцтой мэдээ ил болж албажвал дэлхий дахин шуугина. Энэ нь бодит үнэн үү, эсвэл зохиомж уу гэдэг нь одоогоор тодорхойгүй. Сириэс хулгайлсан 50 тонн алтаа Путинд Ассад дамжуулсан гэх мэдээ явж байна. Ассад 50 тонн алтаараа аюулгүй байдлын баталгаа гуйжээ. Оросууд нь ч аварна, чамайг нууна, хэнд ч хэзээ ч шилжүүлж өгөхгүй гээд Ассадыг эхнэр, хүүхэд, бараа бологсодынх нь хамт оросын ачаа тээврийн “Ил-76” онгоцонд суулгаад Сибирь рүү нисгэжээ. Жил хагасын өмнө Вагнерын толгойлогч Евгений Пригожиныг хуурч онгоцонд суулгаад, замд нь агаарт дэлбэлсэн ФСБ-гийн зохиомжоор Ассадын онгоцыг замд нь дэлбэлэн устгасан гэх мэдээлэл Дамаск хотоос хөөрөөд гэнэт 180 хэм эргээд радарын дэлгэцнээс алга болсон гэх мэдээлэлтэй давхцаж байна.

 

Хар хэргийн гэрчээ устгадаг Зөвлөлтийн ЧК, НКВД, КГБ-гийн тэр түүхэн дүрэм мөрдөгдөж байж магадгүй. Тэгэх тусмаа Зөвлөлт ба Оросын тоглоомын дүрэм нь “гэрч”-ид тун дургүй, түүн лүгээ нэгэнтээ ялагдсан, гэхдээ үүргээ гүйцэтгэсэн, тэгээд ашиглагдсан Башар Ассад түүхээс арчигдах бараг тодорхой болчихлоо.


Адьяaгийн Батсайхан (бэлтгэл хошууч)