sonin.mn
Сэтгэгдэл (10)

Үндэстнүүдийн лигийн А дивизионы нэгдүгээр хэсгийн сүүлчийн тоглолтод Хорватын шигшээ баг Португалын багтай 1:1 харьцаагаар тэнцсэнээр ¼-ийн хасагдах шатанд шалгарлаа.


Хэсгийн нөгөө тоглолтод шотландчууд Польшийн багийг 2:1 харьцаагаар хожсон байна. Ингэснээр Португалын баг 14 оноотойгоор хэсгээ тэргүүлж, удаад нь 8 оноотой хорватчууд, 7 оноотой Шотландын баг, 4 оноотой Польшийн баг тус тус бичигдлээ.


Польшийн баг В дивизион руу “унасан” бол шотланчууд А дивизионд үлдэхийн тулд нэмэлт тоглолт хийнэ. Харин IV хэсэгт Данийн баг Сербийн шигшээтэй талбайд нь тоглож 0:0 харьцаагаар тэнцсэн бол испанчууд Швейцарын багийг 3:2 харьцаагаар хожсон байна. Ингэснээр Испанийн шигшээ 16 оноотойгоор хэсгээ тэргүүлж, удаад нь Дани /8 оноо/, Серби /6 оноо/, Швейцар /2 оноо/ бичигдлээ. 


Плей-оффт тоглох 8 баг бол хэсгээ тэргүүлсэн Португал, Франц, Герман, Испани, хэсгээсээ хоёроор гарсан Хорват, Итали, Дани, Нидерландын багууд юм.


Хасагдах шатны сугалаа энэ сарын 22-нд явагдах бөгөөд эхний тоглолтууд 2025 оны гуравдугаар сарын 20-нд, хариу тоглолтууд гуравдугаар сарын 23-нд, финалын тоглолт 6 дугаар сарын 8-нд болно. Үндэстнүүдийн лигийн тэмцээн дөрөвдэх удаагаа явагдаж байна. Өнгөрсөн хугацаанд Португал /2019/, Франц/2021/, Испанийн /2023/ багууд аваргалсан байна. Үндэстний лигийн тэмцээн бол 2026 оны ДАШТ-ний урьдчилан шалгаруулах үе шат юм. 



Б.Адъяахүү