sonin.mn
Сэтгэгдэл (1)

Хойд Америкийн үндэсний хоккейн лигийн "Вашингтон Кэпиталз" багийн ахлагч, Оросын довтлогч Александр Овечкин "Вегас Голден Найтс" багийн хаалганд хоёр шайб хийснээр тус лигт тоглох хугацаандаа оруулсан гоолынх нь тоо 865 боллоо.


Ингэснээр Үндэсний хоккейн лигийн /NHL/ түүхэнд оруулсан гоолынхоо тоогоор тэргүүлж буй алдарт хоккейчин Уэйн Гретцкиг гүйцэж түрүүлэхэд түүнд 29 шайб хийх дутуу байна. У.Гретцки 1487 тоглолтод оролцохдоо нийт 894 гоол оруулжээ.


Түүнээс гадна А.Овечкин "Вегас Голден Найтс" багийн хаалгач Илья Самсоновын хаалганд гоол оруулснаар 177 хаалгачийн хаалганд шайб оруулжээ. Тэрбээр энэ үзүүлэлтээр NHL-ийн түүхэнд Патрик Марлогийн амжилтыг давтаж, хоёрдугаарт бичигдэх болсон байна. Хамгийн олон хаалгачийн хаалганд гоол оруулсан тоглогч бол Яромир Ягр /178/ юм.  Одоогийн байдлаар, энэ улиралд Овечкин 17 тоглолтод оролцохдоо 12 гоол оруулж, 10 оновчтой дамжуулалт хийгээд байна. 


Б.Адъяахүү