Аюулгүй байдал гадаад бодлогын байнгын хорооны өчигдрийн хуралдаанаар 2025 оны төсвийн тухай хуулийн төсөл болон дагалдах төслүүдийн хоёр дахь хэлэлцүүлгийг хийлээ. Энэ үеэр Батлан хамгаалах салбарын төсөвтэй холбоотой асуудлаар салбарын сайд нь гишүүдийн асуултад хариуллаа.
УИХ-ын гишүүн Н.Наранбаатар:
-Улс орон төсвийнхөө хэдэн хувийг батлан хамгаалах салбарт хуваарилдаг вэ. Монгол Улс хаана явна. Хоёрдугаарт, цэрэгт явах сонирхолтой залуус байхгүй болсон. Яаж ийгээд мултрах үзэл бодолтой болсон. Цэргийн анги салбарын орчин нөхцөл нь тааруу. Үүнд хэрхэн анхаарч байна вэ?
Батлан хамгаалахын сайд С.Бямбацогт:
-Батлан хамгаалах салбарын төсөв бусад салбараас бага тавигддаг уламжлалттай юм байна. Дэлхийн геополитик амаргүй хүнд байгаа. Тийм ч учраас дэлхийн бүх улс орон батлан хамгаалах салбарт зарцуулах төсвөө нэмэгдүүлж байгаа. Судалгаа хийж үзэхэд, манайхтай ижил цөөн хүн амтай, томоохон гүрнүүдтэй хиллэдэг Латви, Литви, Гүрж, Израйль зэрэг орнууд хамгийн багадаа ДНБ-ийнхээ хоёр хувийг батлан хамгаалах салбартаа зарцуулдаг бол дээд тал нь 10-15 хувийг зарцуулдаг. Манай улсын хувьд ДНБ-ийнхээ 0.6-0.7 хувийг батлан хамгаалах салбарт зарцуулж байгаа. Энэ нь хамгийн өндөр оронтой харьцуулахад 20 дахин бага, хамгийн бага төсөв зарцуулж байгаа улстай харьцуулахад Монгол Улсын батлан хамгаалах салбарт зарцуулж байгаа төсөв дөрөв дахин бага байгаа. 2024 онд Хууль зүй дотоод хэргийн сайдын багцад 400 гаруй тэрбум төгрөгийн хөрөнгө оруулалт тавигдаж байсан бол Батлан хамгаалах сайдын багцад 20 тэрбумын хөрөнгө оруулалт тавигдсан нь 20 дахин бага. 2025 онд Сангийн яаманд нөхцөл байдлаа ойлгуулж байж, хөрөнгө оруулалтаа бага зэрэг нэмэгдүүлсэн. Цаашдаа бидэнд тулгамдсан олон асуудал бий. Цэргийн албан хаагч нар маань энхийг сахиулах үйл ажиллагаанд оролцож, орлого олдог. Ингэснээр орон байрны урьдчилгааныхаа 50 орчим сая төгрөгийн асуудлаа шийддэг. Зэвсэгт хүчний хөгжлийн санд тодорхой хэмжээний мөнгө ордог. Энхийг сахиулах ажиллагаанд ашиглаж байгаа зэвсэг техник нь хуучирчихсан, НҮБ-аас оролцуулахгүй байх шаардлага тавьж байгаа. Тийм болохоор зэвсэг техникээ сайжруулж НҮБ-аас олдог орлогоо нэмэгдүүлэх шаардлага байна.Хоёрдугаарт, залуус хугацаат цэргийн алба хаах сонирхол маш их буурч байгаа. Үүнийг нэмэгдүүлэх зорилгоор цэргийн эрдэмд суралцахаас гадна ажил амьдрал дээр гарахад амжиргааны орлогоо залгуулчих чадвартай болчихоосой гэдэг үүднээс англи хэл, компьютерын анх шатны мэдлэгтэй болгох, жолооны курст суралцах боломж бүрдүүлэх зэргээр анхаарч тодорхой ажил төлөвлөж байна
УИХ-ын гишүүн Э.Болормаа:
-Энэ жилийн төсөв зардлын өсөлтөөрөө 110 хувиар нийтдээ 220 орчим тэрбум төгрөгөөр нэмэгдсэн хэсэг нь эд хогшил, урсгал засварын зардал гэсэн хэсэг байна. Тэгэхээр Батлан хамгаалах яам жолооны курс ажиллуулна гэсэн үг үү. Батлан хамгаалах яам англи хэлний багш авна гэсэн үг үү. Энийг гүйцэтгүүлэхдээ хувийн хэвшилтэй өрсөлдөх бус хувийн хэвшлээ татан оролцуулах боломжийг харж байгаа юу, 20 тэрбум төгрөгөөр Батлан хамгаалах яам машин аваад жолооны курс ажиллуулах юм уу.
Батлан хамгаалахын сайд С.Бямбацогт:
-Хугацаат цэргийн албан хаагчдыг англи хэлний болон компьютерын анхан шатны мэдлэгтэй, жолооны үнэмлэхтэй болгоход дотоод нөөц бололцоогоо ашиглана. Зэвсэгт хүчний анги нэгтгэлд ажиллаж байгаа цэргийн албан хаагч нар энхийг сахиулах ажиллагаанд оролцож байгаа. Хэлний бэлтгэлд сурдаг, хэл сурдаг. Хэлтэй боловсон хүчин байна. Үндэсний батлан хамгаалах их сургуульд англи хэлтэй боловсон хүчин бэлтгэдэг. Гурван цэргийн анги дээр тусгайлсан зориулалтын англи хэлний анхан, дунд, гүнзгийрүүлсэн дамжаа хичээллүүлж байгаа. Энд бэлдэж байгаа боловсон хүчнүүдээрээ англи хэлний сургалт хийнэ.Компьютерын анхан шатны мэдлэг олгох сургалтыг Үндэсний батлан хамгаалах их сургууль болон бусад офицер ахлагч нарын мэргэжлийн хүмүүсээр сургах бодлого барина. Жолооны курс, жолоочийн тухайд урьд нь шийдээд явж байсан туршлага бий. Хугацаат цэргийн албан хаагчийн ар гэр нь зөвшөөрвөл тодорхой төлбөр гаргаж, жолооны курст бэлтгэж байсан жишиг туршлага бий. Үүнийгээ үргэлжлүүлээд хувийн жолооны курстэй хамтарч, ажиллана. хуучин ангиуд дээрээ жолооч бэлтгэнэ.
Т.БАТСАЙХАН
Эх сурвалж: “Зууны мэдээ” сонин
Сэтгэгдэл13
Жолооч мэргэжил биш хэрэглээ мэрэгжил эзэмшүүл халтуур хийх жолооч түгжрэл үүсгэнэ арматурчин мужаан цахилгаанчин гээд бэлтгэ л дээ?
Тийм шүү,,,,ядаж,,,,сайн гагнуурчин болгоод өгвөл,,,,чадалтай чадвартай гагнуурчин хүн,,,,энэ хорвоогын хаана ч очсон,,,, хүнээс хоол гуйхгүйгээр,,ганц электродоор гагнаж үзүүлээд л,,,,шууд л өндөр цалинд хүрдэг юм билээ,,,
Манайх ямар дайн байлдаантай орон биш их төсвөөр яадаг юм Хэдэн том дарга нар нь хувааж идэхээс өөр юу хийх юм бэ
Тиймээ 2 хөршийг давж бидэнтэй хэн дайтах юм.харин бид бүх улстай төвийг сахисан найрсаг харилцаатай байвал боллоо тэр 3 дах хөрш бол дэмий дээ.
Хуцаж бай. Одоо дайн болохгүй гэх баталгаа байхгүй. Батлан хамгаалах зардалгүйгээс бол нэг өглөө цахилгаан станцыг чиг зогсоож, ар түмэн цахилгаангүй болбол хэн хэцүү вэ?
Манайх ямар дайн байлдаантай орон биш их төсвөөр яадаг юм Хэдэн том дарга нар нь хувааж идэхээс өөр юу хийх юм бэ
Энэ олон салбарт яам толгойлож яваа хүн БХын нэрэнр бас их хөрөнгө эрх мэдэл дутагдаж байгаа болтой
Монгол Улс 2 хон улстай хиллэдэг. Хилийн маргаангүй. Стартегийн гэрээ байгуулсан. Арми нь их мөнгөөр яахын. Улсын нууц нэрээр мөнгө идэх Аугаа их хүсэл.
пяздуу бас баахан мөнгө шаах нь
Сайд гуай урд хилдээ хэзээ анхаарал тавих гэж бна. Хилийн цэрэг энтр гэж бна уу.
Алсаа бодвол ДНБ ий 5% иас 10% батлан хамгаалахад зарцуулж орчин үеийн зэвсэг барууны орнууд өмнөд Солонгос, Япон, Хятадаас авах хэрэгтэй. Хэзээ ч дайн эхлэхэд бэлэн улсуудын дунд байгаа шүү. Хожим амаа барьснаас одоо бэлдэх нь дээр. Зэвсэглэнэ гэдэг нь заавал дайн хиих биш тогтоон барина гэсэн үг.
Монгол 2 их гүрний дунд жийрэг болж байдгийг мэддэггүй хүн сайд байх нь гутамшиг.
бүгдээрээ мөнгө мөнгө мөнгө. юу болцын яацын. төсөвлөсөн мөнгө байж л байгаа, тэрийгээ давж сарвайцгаагаад. өмнөх хийчихсэн гоё ажил байхгүй.