Лхагва - 10 сарын 02,
2024
Орон нутгийн буюу аймаг, нийслэл, сум, дүүргийн ИТХ-ын сонгууль орон даяар явагдаж байна. Энэ дундаа нилээн ширүүн өрсөлдөөн өрнөж буй газар бол Өмнөговь аймаг юм. Орон нутгийн сонгуулийн өмнөхөн Өмнөговь аймгийн МАН-ын хорооны дарга, "Эрхэт Монгол" группийн ТУЗ-ийн дарга Х.Мандахбаярыг чөлөөлж, оронд нь УИХ-ын гишүүн асан Л.Энхболдыг томилсон билээ.
Учир нь ЖДҮ-гийн зээлд нэр холбогдож байсан, УИХ-ын гишүүн асан Л.Энхболд дөчин их наядын нүүрсний хулгайгаас илүү манай аймгийн орон нутгийн өмчит компанид л аймшигтай хулгай гарсан байна шүү, яанаа таминь ээ гэсэн хар пиар явуулж, сонгуульд өрсөлдөх төлөвлөгөөтэй байгаа.
Гэтэл нүүрсний хулгайн хэрэгт холбогдон, шалгагдаж байсан хүмүүсийн нэг болох "Эрхэт Монгол" группийн Захирал Х.Мандахбаяр нь өөрөө Өмнөговь аймгийн МАН-ын хорооны дарга байхаар Өмнөговьчууд итгэхгүй тул л ийн сэлгэсэн хэрэг.
Бодит байдал дээр Х.Мандахбаярын нөлөө Өмнөговь аймгийн МАН-д жин дарсан хэвээр байгаа бөгөөд аймаг, сумын ИТХ-ын сонгуульд нэр дэвшигчдийн дийлэнхийг ч Х.Мандахбаярын фракцийнхан бүрдүүлсэн байна.
Тэр бүү хэл хэрэв аймгийн ИТХ-ын сонгуульд МАН ялалт байгуулвал Л.Энхболд, Х.Мандахбаяр нарын хэн нь чухам Өмнөговь аймгийн Засаг дарга болох вэ? гэдгээ ч эцэслэн шийдээгүй байгаа тухай эх сурвалж өгүүлж буй юм.
Д.Дандархүү
Сэтгэгдэл2
Мандахбаяр нь Энхболдоосоо хамаагүй дээр
Л.Энхболдыг үмхий хар луйварчинтай яаж харьцуулахав дээ. Мандахбаяр УБ хотод ч Өмнөговьд ч бөөн өр шир, хүмүүсийг хульхидсан тоо нь мянга хол давсан. Чадахгүй байж өөрт ашигтай гэж үзсэн хүн бүхэнд худлаа байр амалж томроол шаагаад байсныг нь монголчууд ТҮ8 телевизээр нь хангалттай л харсан шд. Байдаг л нэг муу зальтай, луйварчин шд. Хаана байна тэр олон арван хороолол, барилга, орон сууц нь. Хүнд үзүүлэх юм юу ч бхгүй цайчихсан луйварчингийн хажууд Л.Энхболд чинь нутгаа мэддэг, тэндээс нэр дэвшээд нэг удаа төрд гишүүнээр ажиллаад үзчихсэн, нүүрсний хулгайг анх шүгэл үлээж гаргаж ирсэн хүн л дээ. Ард түмэн тэртээ тэргүй ялгаж салгана л даа.