sonin.mn
Сэтгэгдэл (0)

Хүннү групп болон Чингис хааны нэрэмжит Их Засаг их сургууль нь боловсролын салбарт 33 дахь жилдээ үйл ажиллагаа явуулж буй, олон улсад магадлан итгэмжлэгдсэн, үндэсний хэмжээний томоохон хувийн хэвшлийн боловсролын байгууллага юм.

Бид өнгөрсөн хугацаанд сургуулийн өмнөхөөс дээд боловсрол хүртэлх бүх шатны сургалтын үйл ажиллагааг амжилттай хэрэгжүүлж, боловсролын салбарт олон арван жилийн туршлага хуримтлуулан ажиллаж ирсэн. Өнөөдрийн байдлаар 4 цэцэрлэг, 4 дунд сургууль, 8 их сургуулийн салбар сургуулийг төрийн санхүүгийн дэмжлэггүйгээр өөрийн хөрөнгө оруулалтаар байгуулан ажиллуулж байна.


2026–2027 оны хичээлийн жилээс Улаанбаатар хотын Сонгинохайрхан дүүрэгт Кэмбрижийн хөтөлбөр хэрэгжүүлэх Их Засаг–Кингс дунд сургуулийг өөрийн хөрөнгө оруулалтаар байгуулж, сургалтын үйл ажиллагааг эхлүүлээд байна.


Гэтэл тус сургууль төрөөс санхүүжилт дэмжлэг хүссэн гэх агуулгатай үндэслэлгүй мэдээлэл цахим орчинд тархаж байгаад харамсаж байна. Боловсролын яамны Төрийн нарийн бичгийн дарга Т.Ням-Очир манай сургуулийг санхүүгийн дэмжлэг хүссэн гэж ярьж байгаа нь үндэслэлгүй, байгууллагын нэр хүндэд зориуд халдсан үйлдэл боллоо. Иймд энэхүү хэлсэн зүйлээ залруулж манай байгууллагын нэр хүндийг хүндэтгэнэ гэж итгэж байна.

Төрөөс санхүүжилт хүссэн 5 сургуулийн нэг нь Их Засаг -Кингс гэх мэдээлэл нь бодит баримтад нийцэхгүй болохыг албан хэрэг хөтлөлт болон бусад баримтаар худал гэдгийг хариуцлагатайгаар мэдэгдэж байна.

Боловсролын салбарын хөгжил бол бидний нийтлэг зорилго. Энэ зорилго бодит баримт, үнэн зөв мэдээлэл, харилцан хүндэтгэлд үндэслэх учиртай.


ХҮННҮ ГРУПП ИХ ЗАСАГ ЧИНГИС ХААН БОЛОВСРОЛЫН КОРПОРАЦИ

ИХ ЗАСАГ-КИНГС БҮРЭН ДУНД СУРГУУЛЬ