sonin.mn
Сэтгэгдэл (0)

6-р сарын 16-ны үдээс хойш Хятадын Батлан ​​Хамгаалах Яамны хэвлэлийн төлөөлөгч, ахлах хурандаа Чэнь Ши сүүлийн үеийн цэргийн холбогдолтой асуудлаар мэдээлэл хийжээ.


Чэнь Ши энэ үеэр сэтгүүлчийн сонирхсон холбогдох асуултад хариулахдаа, "Хятадын Гадаад харилцааны яам холбогдох нөхцөл байдлыг удаа дараа тайлбарласаар байна. Филиппиний Батлан ​​Хамгаалахын сайд Теодоро болон түүний хамаатан садны эсрэг Хятадын зүгээс ногдуулсан хориг арга хэмжээ нь бүхэлдээ тэдний өөрсдийнх нь буруу үйлдлээс болсон юм.


Энэ бол Хятад улс үндэсний бүрэн эрхт байдал, аюулгүй байдал, хөгжлийн ашиг сонирхлоо хамгаалахын тулд авч хэрэгжүүлж буй хууль ёсны арга хэмжээ юм.


Хэрэв Хятадын эсрэг элементүүдийн жижиг бүлэг болгоомжгүй үйлдэл хийхийг зөвшөөрвөл, энэ нь Филиппиний эдийн засаг, ард түмний амьжиргаанд шууд хор хөнөөл учруулж, хоёр улс болон хоёр армийн харилцаанд хор хөнөөлтэй нөлөө үзүүлэх болно. Эдгээр хүмүүс өөрийн үг үйлдлээ анхаарч, гүтгэлэг хийхээ зогсоохыг ятган сэрэмжлүүлж байна" гэсэн байна.


Г.Бямба