sonin.mn
Сэтгэгдэл (0)

Зургаан өдөр үргэлжлэх Хятад-Өмнөд Азийн 10 дахь экспо өнөөдөр буюу 6-р сарын 11-нд Юньнань мужийн Куньмин хотод нээгдэв. 68 улс орон, бүс нутаг, олон улсын байгууллагын оролцогчид оролцож байгаа бөгөөд Өмнөд Ази, Зүүн Өмнөд Ази, RCEP-ийн гишүүн орнуудыг бүрэн хамарч байна.




Энэ жилийн экспо "Эв санааны нэгдэл, хамтын ажиллагаа, хамтын хөгжлийг эрэлхийлэх" гол уриан дор үргэлжилж байна. Бангладеш нь гол сэдвийн улсаар оролцож байгаа бол Лаос нь тусгай урьсан түнш улсаар ажиллаж байна. Итали, Уругвай, Австрали зэрэг долоон улсын элчин сайдын яам, консулын газрууд үндэсний павильоноороо анх удаа оролцож байгаа бөгөөд салбарын тэргүүлэгч 100 орчим аж ахуйн нэгж үзэсгэлэн гаргаж байна. 1500 гаруй мэргэжлийн худалдан авагч бүртгүүлсэн бөгөөд гадаадын худалдан авагчид нийт оролцогчдын 60 гаруй хувийг эзэлж байна. Герман, Бразил, Египет зэрэг нийт 45 орны компаниуд анх удаа худалдан авалтын үйл ажиллагаанд оролцож байна.




Өмнө нь есөн удаа амжилттай зохион явуулсан Хятад-Өмнөд Азийн экспо нь Хятад болон Өмнөд Азийн орнуудын хоорондын солилцоог сайжруулах, хамтын ажиллагааг гүнзгийрүүлэх, хамтын хөгжлийг эрэлхийлэх чухал тавцан болсон юм. 2025 онд Хятад болон Өмнөд Азийн орнуудын худалдааны хэмжээ 200 тэрбум ам.долларыг давж, өмнөх оны мөн үеэс 10.7%-иар өссөн байна. Хятад улс өдгөө Пакистан, Бангладеш, Шри Ланка, Мальдив зэрэг орнуудын хамгийн том худалдааны түнш болсон юм. 


Г.Бямба